Samfélagsmiðlar

Álíka dýrt að borga undir tösku og ungabarn

Verðlagning á farmiðum fyrir yngstu farþegana er mismunandi eftir flugfélögum. Flest rukka tíund af fullorðinsfarinu á meðan önnur eru með fasta krónutölu.

Börn sem eru yngri en tveggja ára eiga ekki rétt á sérsæti um borð í flugvélum og þurfa því að sitja í fangi samferðamanna sinna. Það verður engu að síður að kaupa farmiða fyrir ungabörnin og það eru tvær ólíkar leiðir sem flugfélögin fara í verðlagninu á farmiðum fyrir þau yngstu. Annað hvort rukka þau fast gjald eða tíu prósent af almennu fargjaldi að frádregnum sköttum og gjöldum.

Samkvæmt athugun Túrista þá fara tólf af þeim sautján félögum, sem héðan fljúga í sumar, seinni leiðina. Lággjaldaflugfélögin eru hins vegar oftar með fast verð á ungabarnamiðum.

Lægst ef sá fullorðni kaupir ódýrasta miðann

Hjá Wow Air og Easy Jet er gjaldið 4000 krónur (22 pund hjá Easy Jet) fyrir hvern fluglegg. Þeir sem ná í ódýrustu fullorðinsmiðana hjá Icelandair, Norwegian eða SAS greiða 500 til 700 krónur fyrir farþega sem eru yngri en tveggja ára, hvora leið. Ef keyptur er miði sem kostar á bilinu 70 til 100 þúsund krónur þá er fargjaldið fyrir ungbarn sambærilegt við það sem lággjaldaflugfélögin rukka.

Ofantalin fimm flugfélög eru þau einu sem bjóða uppá áætlunarflug frá Keflavík allt árið um kring.

Töskurnar stundum innifaldar

Börnum fylgir oft talsverður farangur og hjá þeim flugfélögum sem rukka tíund fyrir börnin fylgir ein innrituð taska með í kaupunum. Sjaldnast er boðið upp á hressingu fyrir þennan hóp á meðan eldri börn fá oft mat og drykk. Hjá lággjaldaflugfélögunum borga allir fyrir að innrita farangur og þannig vill til að töskugjaldið er furðu nálægt því að vera jafn hátt og ungbarnafarmiði kostar. Þannig munar um 200 krónum á þessum tveimur gjöldum hjá Easy Jet og 550 krónum hjá Wow Air.

ÞETTA BÆTIST VIÐ FARGJALDIÐ

BÍLALEIGA: BÓKA NÚNA EN BORGA SÍÐAR

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …