Samfélagsmiðlar

6 af hverjum 10 ferðum töfðust þrátt fyrir lögbann

Þrátt fyrir lögbann á verkfallsaðgerðir flugmanna Icelandair þá seinkaði meirihluta brottfara félagsins þá daga sem lögbannið gilti og þar til að nýr samningur var undirritaður.

Þannig níunda maí lögðu flugmenn Icelandair niður vinnu í tólf tíma og var boðað til samskonar aðgerða síðar í mánuðinum. Alþingi setti hins vegar lögbann á verkfallsaðgerðirnar þann fimmtánda þessa mánaðar og því kom ekki til annarrar vinnustöðvunar daginn eftir. Í framhaldinu var haft eftir Guðjóni Arngrímssyni, talsmanni Icelandair, á Vísi að hann byggist við því að flug yrði nú með venjulegum hætti. Formaður samninganefndanefndar Félags íslenskra atvinnuflugmanna (FÍA) benti hins vegar á að þrátt fyrir lögbannið væri ekki hægt að neyða flugmenn til að vinna yfirvinnu. Áður hafði Mbl.is það eftir formanni FÍA, Hafsteini Pálssyni, að „…flugfélagið væri ekki með nægjanlegan mannskap til að halda uppi eðlilegri áætlun án þess að flugmenn vinni yfirvinnu.“

Það kom svo á daginn að þrátt fyrir lögbann þurti Icelandair að aflýsa um þrjátíu brottförum frá Keflavík og seinka öðrum vegna manneklu í áhöfn. En auk flugmanna fóru flugfreyjur félagsins í yfirvinnubann síðastliðinn sunnudag.

Langar tafir

Samkvæmt talningu Túrista þá töfðust 276 af 462 brottförum Icelandair frá Keflavík þá sex sólarhringa sem liðu frá því að lögbann var sett á aðgerðir flugmanna og þar til að þeir skrifuðu undir samning í fyrradag. Það þýðir að aðeins fjörtíu prósent ferða fóru á réttum tíma dagana 16. til 21.maí og var meðaltöfin 25 mínútur. Í gærmorgun voru einnig töluverðar tafir á flugi félagsins en seinnipartinn í gær og í dag hafa nær allar vélar á leið frá Keflavík farið í loftið samkvæmt áætlun.

NÝJAR GREINAR: ÓDÝRT TENGIFLUG TIL S-EVRÓPU Í SUMARBROT AF ÞVÍ BESTA Á JÓTLANDI
HÓTEL: Gerðu verðsamanburð á gistingu

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …