Samfélagsmiðlar

Eftirspurn eftir Íslandsflugi nær hámarki á veturna

Síðustu ár hefur ferðaþjónustan lagt áherslu á að lengja ferðamannatímabilið. Það virðist hafa tekist, að minnsta kosti þegar litið er til heimsókna breskra túrista. Talskona easy Jet segir veturinn háannatíma í ferðalögum til Íslands.

Fyrstu þrjá mánuði þessa árs komu hingað 60.489 breskir ferðamenn en yfir sumarmánuðina í fyrra voru þeim rúmlega helmingi færri eða 27.138 samkvæmt talningu Ferðamálastofu. Vetrarferðir til Íslands eru því mun vinsælli meðal Breta en ferðalög hingað yfir sumarmánuðina. Þannig var það ekki fyrir nokkrum árum síðan, til dæmis komu hingað fleiri Bretar sumarið 2009 en á fyrsta ársfjórðungi þess árs. Árin eftir var dreifing álíka en eins og áður segir eru ferðir Breta hingað núna miklu tíðari yfir vetrarmánuðina.

Eins og sést á línuritinu hér fyrir neðan þá dreifast breskir ferðamenn mun jafnar yfir árið en aðrir erlendir ferðamenn sem koma aðallega hingað yfir sumarmánuðina. Þá fækka Bretar hins vegar ferðum sínum hingað.

Tvöfalt framboð

Eins og Túristi hefur áður greint frá þá hefur flug héðan til London tvöfaldast á tveimur árum og var boðið upp á fjörtíu ferðir í viku til London í febrúar og mars síðastliðnum. Auk þess er flogið beint til Bristol, Edinborgar, Glasgow og Manchester. Í sumar hefst einnig flug til Birmingham (smelltu til að sjá hverjir fljúga til þessara borga).

easy Jet fjölgar ferðum í vetur

Breska lággjaldaflugfélagið easy Jet hefur aukið umsvif sín hér á landi hratt og flýgur nú héðan til fjögurra breska borga og Basel í Sviss.

Í vetur bauð félagið upp á daglegar ferðir hingað frá Luton flugvelli í nágrenni við London. Ferðum félagsins fækkaði hins vegar í vor. Skýringuna á því segir Anna Knowles, talskona easy Jet, vera þá að veturinn er háannatími þegar kemur að ferðalögum til Íslands og því eru í boði fleiri ferðir á þeim tíma árs. Félagið mun því aftur fljúga hingað daglega frá Luton í vetur og bæta við ferðum frá Bristol og Edinborg.

Icelandair hefur einnig fjölgað vikulegum ferðum sínum til London úr fjórtán í allt að tuttugu síðustu tvö ár og flýgur einnig til Glasgow og Manchester. WOW air flaug til London þrettán ferðir í viku í vetur en ætlar að fækka þeim niður í tíu næsta vetur.

TILBOÐ Á GISTINGU Í BERLÍN OG KAUPMANNAHÖFN

NÝTT: FRÖNSK FJÖLL OG SVISSNESKAR SVEITIR
BÍLALEIGA: GERÐU VERÐSAMANBURÐ Á BÍLALEIGUBÍLUM

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …