Fleiri ferðast einir

Taka þarf frá fleiri einstaklingsherbergi í hópferðir ferðaskrifstofanna í dag en áður. Það er til skoðunar er að bjóða upp á sérferðir fyrir einstaklinga en óhagstæð verðlagning hótelanna stendur í veginum.

Það er algengt að þeir sem fara einir í pakkaferð borgi um fimmtungi meira en þeir sem deila herbergi með öðrum. Eftirspurn eftir eins manns herbergjum í ferðum á vegum íslensku ferðaskrifstofanna hefur samt sem áður aukist.

Margrét Helgadóttir, framkvæmdastjóri Úrvals Útsýnar, segir aukninguna sérstaklega vera í sérferðum sem farnar eru með fararstjórum. Hún segir að það hafi komið til tals að bjóða upp á sérstakar einstaklingsferðir. „Eini gallinn er að hótelgistingar eru dýrari á mann þegar farþegar eru einir í herbergi og það gerir ferðina stundum of dýra,“ segir Margrét.

Aðstoða við að finna herbergisfélaga

Hugrún Hannesdóttir, sölustjóri utanlandsdeildar Bændaferða, verður einnig vör við aukinn áhuga hjá þeim sem ferðast einir. Hún nefnir sem dæmi að áður hafi tvö til þrjú einstaklingsherbergi verið í boði í ferðum fyrir fimmtíu manna hópa. Í dag er hins vegar boðið upp á tvöfalt fleiri eins manns herbergi og það dugir oft ekki til. Hugrún segir að starfsfólk Bændaferða aðstoði reglulega ferðalanga við að finna herbergisfélaga af sama kyni og nýta konur sér þá þjónustu meira en karlar. „Það eru töluvert margar sem nýta sér þetta og finna sér jafnvel herbergisfélaga með þessum hætti í fleiri ferðir. Því hluti af því að ferðast er jú félagsskapurinn,“ bætir Hugrún við. Starfsfólk Úrvals-Útsýnar fær einnig beðnir frá fólki sem óskar eftir aðstoð við að finna ferðafélaga.

VINSÆLT: Svona borgar þú miklu minna fyrir bílaleigubíl
HÓTEL: Gerðu verðsamanburð á gistingu út um allan heim

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira