Samfélagsmiðlar

Flokkast verkföll undir óviðráðanlegar aðstæður?

Réttur flugfarþega á skaðabótum fellur niður ef flugi er aflýst vegna vinnustöðvunar samkvæmt reglugerð. Málið er hins vegar ekki svo einfalt í öllum tilvikum.

Í apríl setti kjaradeila starfsmanna Keflavíkurflugvallar allt millilandaflug úr skorðum og nú eru það verkfallsaðgerðir flugmanna Icelandair sem gera flugfarþegum erfitt fyrir. Ferðaplön fjölmarga riðlast og samkvæmt fréttum þá eru margir flugfarþegar efins um rétt sinn.

Á heimasíðu Icelandair kemur fram að farþegar geti fengið miða sína endurgreidda eða breytt þeim ef flugið er fellt niður. Þar er hins vegar ekki minnst á skaðabætur en þegar flugferðum er aflýst með minna en tveggja vikna fyrirvara þá eiga farþegar almennt rétt á fébótum eins og Túristi greindi frá. Hins vegar segir í reglugerð um skaðabætur og réttindi flugfarþega að skyldur flugrekanda falla niður ef óviðráðanlegar aðstæður valda því að flugi er aflýst. Ótryggt stjórnmálaástand, slæm veðurskilyrði og verkföll teljast til þess háttar aðstæðna samkvæmt reglugerðinni. Þýskur dómstóll komst að þeirri niðurstöðu fyrir tveimur árum að flugmannaverkfall hjá Lufthansa væri dæmi um óviðráðanlegar aðstæður og farþegar áttu því ekki rétt á bótum.

Hins vegar segir á heimasíðu Samgöngustofu að verkföll flugrekanda teljist ekki til óviðráðanlegra aðstæðna og í Danmörku hafa reglur Evrópusambandins verið túlkaðar á sama hátt. Reglurnar eru því ekki skýrar og á vef sænsku neytendasamtakanna segir að meta þurfi í hverju tilviki fyrir sig hvað séu óviðráðanlegar aðstæður.

Skaðabótaskyld daginn eftir

Á heimasíðu bresku neytendendasamtakanna Which? kemur fram að Evrópudómstóllinn hafi komist að þeirri niðurstöðu í október árið 2012 að flugfélög eru ekki skaðabótaskyld daginn sem verkfall fer fram en verða hins vegar að greiða bætur daginn eftir. Er nefnt sem dæmi að ef verkfall á mánudegi verði til þess að ferðum er aflýst eigi farþegar sem verða fyrir barðinu ekki rétt á bótum, aðeins endurgreiðslu eða breyttum miða. Á þriðjudeginum eigi farþegar að fá bætur ef ferðum seinkar eða er aflýst. Jafnvel þó verkfallið daginn áður sé orsökin fyrir breyttum flugtímum. Í tilfelli Icelandair gæti hins vegar verið erfitt að segja hvenær verkfalli er lokið því yfirvinnubann flugmanna og flugfreyja er hugsanlega flokkað sem verkfallsaðgerð. Samkvæmt frétt Morgunblaðsins frá árinu 1995 þá var litið á yfirvinnubann flugumferðastjóra sem sem ígildi verkfalls.

TILBOÐ Á GISTINGU Í BERLÍN OG KAUPMANNAHÖFN

NÝTT: FRÖNSK FJÖLL OG SVISSNESKAR SVEITIR
BÍLALEIGA: GERÐU VERÐSAMANBURÐ Á BÍLALEIGUBÍLUM

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …