Það er löng hefð fyrir því að nota verð á Big Mac hamborgara til bera saman verðlag í borgum heimsins. Hér eru hins vegar prísar á öðrum skyndibita notaðir í sama tilgangi.
Þó flugið héðan til Oslóar kosti alla jafna minna en til Kaupmannahafnar og London þá er líklegt að borga þurfi meira fyrir mat í norsku höfuðborginni. Alla vega fyrir samlokur með kjúkling, beikoni, salati og sósu eða svokallaðar klúbbsamlokur. Þetta sýna niðurstöður verðkönnunar hótelbókunarsíðunnar Hotels.com sem framkvæmd var í 28 stórborgum út um allan heim.
Klúbbsamlokan í Osló kostar aðeins meira en í London og Kaupmannahöfn en rétturinn er dýrastur í Genf í Sviss. Þar kostar brauðið að jafnaði 3662 krónur en næstdýrust er hún í höfuðborg Frakklands eins og sjá á má listanum hér fyrir neðan.
Í athugun Hotels.com voru fundin verð á nokkrum hótelveitingastöðum í hverri borg fyrir sig og síðan reiknað út meðalverð á þessum vinsæla rétti.
Meðalverð á klúbbsamlokum í 28 borgum
- Genf, Sviss: 3662 kr.
- París, Frakkland: 3299 kr.
- Helsinki, Finnland: 2736 kr.
- Stokkhólmur, Svíþjóð: 2702 kr.
- Osló, Noregur: 2674 kr.
- London, Bretland: 2546 kr.
- Tókýó, Japan: 2484 kr.
- Hong Kong: 2388 kr.
- Róm, Ítalía: 2386 kr.
- Kaupmannahöfn, Danmörk: 2354 kr.
- Seoul, S-Kórea: 2273 kr.
- Amsterdam, Holland: 2040 kr.
- New York, Bandaríkin: 2021 kr.
- Berlín, Þýskaland: 1937 kr.
- Sydney, Ástralía: 1902 kr.
- Dublin, Írland: 1815 kr.
- Madríd, Spánn: 1789 kr.
- Singapúr: 1726 kr.
- Moskva, Rússland: 1720 kr.
- Ríó, Brasilía: 1645 kr.
- Toronto, Kanada: 1578 kr.
- Peking, Kína: 1522 kr.
- Bogota, Kólumbía: 1522 kr.
- Taipei, Tævan: 1394 kr.
- Bangkok, Taíland: 1346 kr.
- Buenos Aires, Argentína: 1165 kr.
- Mexíkó borg, Mexíkó: 1098 kr.
- Nýja Delí, Indlandi: 986 kr.
TENGDAR GREINAR: Dagsferðir frá Genf – Fína borgin við vatnið
BÍLALEIGUBÍLAR: Gerðu verðsamanburð á bílaleigubílum
TILBOÐ: 15% AFSLÁTTUR Á HÓTELI VIÐ RÁÐHÚSTORGIÐ Í KÖBEN