Samfélagsmiðlar

Ódýrari Kanaríferðir í kortunum?

Egypskir ferðamálafrömuðir binda vonir við að forsetakosningarnar í lok mánaðar muni auka trú túrista á landinu. Það gæti haft jákvæð áhrif á verðlagið á Kanaríeyjum.

Áður en Hosni Mubarak var steypt af stóli í Egyptalandi stóð ferðaþjónustan undir tíund af þjóðartekjum landsins. Túristum hefur hins vegar fækkað ört síðustu ár vegna ótryggs ástands í  landinu. Tekjur af erlendum ferðamönnum hafa til að mynda minnkað um helming frá árinu 2010 samkvæmt frétt Standby.

Ferðamálaráðherra Egyptalands bindur þó vonir við að botninum sé náð og fljótlega eftir forsetakosningarnar 27. maí verður ráðist í alþjóðlega markaðsherferð til að kynna landið fyrir ferðamönnum. Áætlanir egypskra ráðamanna gera ráð fyrir að árið 2020 muni tekur af ferðaþjónustunni vera um 25 milljarðar dollara en þær voru tæpir tíu milljarðar í fyrra.

Sólþyrstir Skandinavar dreifa sér víðar

Á meðan Íslendingar halda aðallega í sólarlandaferðir til Kanaríeyja og Flórída á veturna þá hefur Egyptaland lengi notið vinsælda á þessum árstíma meðal frændþjóðanna. Vegna ástandsins í landinu jókst hins vegar eftirspurnin eftir ferðum til Kanarí meðal Skandinava og það hafði áhrif á hótelverðið á spænsku eyjunum. Ef ferðaþjónustan í Egyptalandi réttir úr kútnum eru hins vegar líkur á að verðlagið á Kanarí lækki sem yrðu góð tíðindi fyrir þá fjölmörgu íslensku ferðalanga sem þangað fara á veturna.

TENGDAR GREINAR: Grikkland að hætti Egils HelgasonarKrítverskar kræsingar
TILBOÐ: 10% afsláttur af gistingu á Krít og frí innflutningsgjöf

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …