Samfélagsmiðlar

Ekki útlit fyrir tafir á Frakklandsflugi frá Íslandi

Sex daga vinnustöðvun franskra flugumferðarstjórar mun líklega setja samgöngur til og frá Frakklandi úr skorðum en þó er útlit fyrir að flugið héðan til Parísar og Lyon gangi snurðulaust fyrir sig.

Franskir ráðamenn ætla að spara á sviði flugmála næstu ár og þeirri ákvörðun ætla flugumferðarstjórar í landinu að mótmæla með því að leggja niður störf frá 24. til 29. júní. Samkvæmt fréttum hafa forsvarsmenn flugumferðarstjóra lengi barist fyrir betrumbótum á sínu sviði en með nýjasta útspili stjórnvalda telja þeir útilokað að hægt verði að ráðast í fjárfestingar í betri starfsumhverfi í frönskum flugturnum.

Flugið héðan óbreytt

Á miðnætti hefst verkfallið en til að tryggja flugsömgöngur um franska lofthelgi þá mun aðeins helmingur flugumferðarstjóra vera frá vinnu í einu. Frönsk flugmálayfirvöld hafa hins vegar beðið flugfélög um að fækkað ferðum sínum um fimmtung um nokkra af stærstu flugvöllunum, þar á meðal vellina í nágrenni við París og í Lyon. Icelandair, Transavia og WOW air fljúga héðan til Parísar og eins býður WOW air upp á flug til Lyon. Samkvæmt upplýsingum frá íslensku félögunum er ekki búist við að áætlun þeirra riðlist vegna verkfallsins en ef það gerist þá verður tilkynnt um það á heimasíðum félaganna.

Innanlandsflugið hugsanleg verst úti

Þeir sem eiga pantað innanlandsflug í Frakkland í vikunni gætu hins vegar orðið fyrir áhrifum vegna ástandsins og því vissara að fylgjast með tilkynningum á heimasíðu viðkomandi flugfélags. Á heimasíðu Air France, stærsta flugfélags Frakklands, segir að flug frá París til suðurhluta landsins muni helst verða fellt niður.

GERÐU VERÐSAMANBURÐ Á HÓTELUM OG BÍLALEIGUBÍLUM Í FRAKKLANDI
TENGDAR GREINAR: Ráðast í endurbætur svo færri missi af tengifluginu

NÝJAR GREINAR: ENGIN SAMKEPPNI Í FLUGI TIL KANADA Í KORTUNUMNÚ VERÐUR ÓDÝRARA AÐ DEILA FRÍINU MEÐ FÓLKINU HEIMA

 

Nýtt efni

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …