Samfélagsmiðlar

Gengið er með íslenskum túristum

Í þessum löndum færðu núna meira fyrir íslensku krónurnar en í fyrra.

Krónan hefur styrkst nokkuð frá því í fyrra í samanburði við flesta gjaldmiðla. Í sumum tilvikum er munurinn á annan tug prósenta og það munar um minna fyrir íslenskan launamann í utanlandsferð. Oftast er mismunurinn þó nokkur prósentustig okkur í vil en þeir sem skipta krónum yfir í pund þurfa að borga meira.

Gengið er þó vissulega langt frá því að vera jafn hagstætt og það var fyrir hrun en þó má reyna að horfa á björtu hliðarnar.

Einn ókeypis dagur

Sá sem leggur leið sína til Kanada í dag borgar um 11 prósent minna fyrir uppihaldið í samanburði við síðasta ár. Gengi kanadíska dollarans hefur nefnilega lækkað um nærri þrettán prósent og þar sem verðbólgan þar í landi er lág skilar gengismunurinn sér nær allur í vasa íslenska ferðamannsins. Það má því segja að túristi sem eyðir 25 þúsund krónum á dag í tíu daga Kanadareisu fái síðasta daginn frían.

Þeir sem halda sig Bandaríkjunum borga aðeins minna í samanburði við síðasta ár því þarlendi dollarinn hefur lækkað um rúm sex prósent en á móti kemur að verðlagið hefur hækkað um nærri tvö prósent.

Mun ódýrara víðar

Af þeim löndum sem flogið er beint til frá Keflavík þá hefur verðlagið í Kanada tekið jákvæðustu breytingunum í íslenskum krónum talið. Tyrkneska líran og rússneska rúblan hafa reyndar misst meira af virði sínu en kanadíski dollarinn en verðbólgan í þessum löndum hefur verið há undanfarið ár og hún étur upp um helminginn af gengismuninum. Þrátt fyrir það er mun ódýrara að vera íslenskur ferðamaður í þessum löndum í sumar en það var í fyrra. Þannig kostar vikudvöl á miðlungshóteli í Sankti Pétursborg um tíu þúsund krónum minna í dag en fyrir ári síðan.

Frekar Svíþjóð og Noregur en Danmörk

Flugsamgöngur milli Íslands og Skandinavíu eru góðar allt árið um kring og þangað fljúga margir frá Keflavík. Eins og staðan er í dag þá hefur hagur okkar vænkast meira í Svíþjóð og Noregi en í Danmörku. Það fæst nefnilega um 7 til 10 prósent meira í þessum löndum í dag á meðan danska krónan fylgir evrunni en á evrusvæðinu hefur verðlagið eiginlega staðið í stað síðastliðna mánuði og gengi evrunar lækkað um 3,5 prósent. Það er því aðeins ódýrara að fara þar um í dag en í fyrra.

Breska pundið er hins vegar einn fárra gjaldmiðla sem hefur styrkst sig síðustu 12 mánuði í samanburði við íslensku krónuna og með teknu tilliti til verðbólgu þá þarf að borga um 3 prósent meira fyrir hlutina þar í landi í dag miðað við júní í fyrra.

TILBOÐ: 15% AFSLÁTTUR Í KAUPMANNAHÖFN
ORLOFSÍBÚÐIR: Í PARÍSÍ BARCELONA
BÍLALEIGA: GERÐU VERÐSAMANBURÐ Á BÍLALEIGUBÍLUM

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …