Samfélagsmiðlar

Eftirlit með handfarangri í flugstöðinni

Umsvifamestu flugfélögin hér á landi beita mismunandi aðferðum til að passa upp á að farþegarýmið fyllist ekki af ferðatöskum.

„Við leggjum mikið upp úr því að fylgst sé með handfarangri á öllum okkar brottfararstöðum og á flestum þeirra er statíf sem fólk þarf að setja töskuna sína í til að athuga hvort hún sé í réttri stærð,“ segir Svanhvít Friðríksdóttir, upplýsingafulltrúi WOW air, aðspurð um hvort starfsmenn félagsins kanni umfang þess sem farþegar taka með sér um borð. Að sögn Svanhvítar eru farþegar reglulega minntir á takmarkanir á stærð og þyngd handfarangurs með tölvupóstum frá því að þeir kaupa farmiða og fram að brottför. Hún segir því lítið um að fólk taki of mikið í flugið.

Hefðbundnar töskur ekki öruggar inn

Margir farþegar easyJet kjósa að ferðast aðeins með handfarangur og það kemur þess vegna fyrir að ekki er pláss fyrir allar töskurnar í farþegarýminu. Forsvarsmenn easyJet hafa brugðist við þeim vanda með því að takmarka stærð á handfarangri við minni töskur en almennt komast fyrir í hólfunum fyrir ofan sætin. Farþegar félagsins þurfa þó ekki að greiða aukalega ef taskan þeirra er flutt niður í lest flugvélarinnar.

Nokkuð um of stórar töskur

Það eru ekki aðeins farþegar lággjaldaflugfélaganna sem þurfa að huga að þessum málum því starfsmenn Icelandair nota stundum statíf við brottfararhliðin í Keflavík til að mæla töskur sem þeim finnst vera of stórar eða þungar að sögn Guðjóns Arngrímssonar, upplýsingafulltrúa félagsins. „Þetta er gert til þess að taka á vandamálum sem af þessu skapast aðeins fyrr í ferlinu en ekki um borð í vélunum.“ segir Guðjón og bætir því við að sérfræðingar félagsins hafi áætlað að þrjú til fimm prósent af handfarangurstöskunum sem fara um borð væru of stórar eða þungar.

SÓLARLANDAFERÐIR Á AFSLÆTTI

VINSÆLT: Svona borgar þú miklu minna fyrir bílaleigubíl
HÓTEL: Gerðu verðsamanburð á gistingu út um allan heim

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …