Það flugu 41.163 Íslendingar frá Keflavíkurflugvelli í síðasta mánuði sem er töluverð fjölgun frá sama tíma í fyrra og mesti farþegafjöldi í einum mánuði síðan fyrir hrun.
Utanlandsferðum Íslendinga hefur fjölgað umtalsvert það sem af er ári. Á fyrri helmingi síðasta árs innrituðu ríflega 170 þúsund Íslendingar sig í flug á Keflavíkurflugvelli en á sama tíma í ár var fjöldinn 185 þúsund samkvæmt talningu Ferðamálastofu. Í júní fjölgaði íslenskum farþegum um nærri fimm þúsund miðað við sama tíma í fyrra og voru þeir 41.163 talsins. Til að finna annan eins fjölda íslenskra farþega í einum mánuði þarf að leita aftur til júlí árið 2008. En árin fyrir hrun náði ferðagleði landans hámarki og fóru nærri 470 þúsund Íslendingar um Leifsstöð árið 2007 eða 105 þúsund fleiri en allt árið í fyrra.
Nítján flugfélög
Í síðasta mánuði voru farnar meira en fimmtán hundruð áætlunarferðir frá Keflavík til útlanda samkvæmt talningu Túrista. Að jafnaði voru þá í boði fimmtíu og ein ferð á dag og sáu nítján flugfélög um millilandaflugið. Ferðunum og félögunum hefur fjölgað hratt síðustu tvö ár því í júní árið 2012 voru flugfélögin fimmtán talsins og daglega voru í boði fjörtíu ferðir.
Í þessum mánuði mun framboð á flugi aukast enn meira og af hækkandi afsláttarverði ferðaskrifstofanna að dæma þá er líklegt að margir Íslendingar hafi kosið að vera sólarmegin í fríinu og séu nú í útlöndum eða á leiðinni þangað.
TILBOÐ: 15% AFSLÁTTUR Í KAUPMANNAHÖFN
ORLOFSÍBÚÐIR: Í PARÍS – Í BARCELONA
BÍLALEIGA: GERÐU VERÐSAMANBURÐ Á BÍLALEIGUBÍLUM
Sérvalin hótel í ódýrari kantinum og í milliverðflokki á vegum Tablet Hotels:
París: Mayet – The Five – Hotel Thérése London: The Rockwell – The Mandeville
Kaupmannahöfn: TwentySeven – Alexandra New York: Ace – Smyth
Barcelona: Market – Granados83 Berlín: KuDamm101 – Sir F.K. Savigny