Samfélagsmiðlar

Haustfjargjöldin á niðurleið

Yfir veturinn er framboðið mest á flugmiðum til höfuðborga Bretlands, Danmerkur og Noregs og verðið hefur lækkað milli ára. 

Yfir veturinn er framboðið mest á flugmiðum til höfuðborga Bretlands, Danmerkur og Noregs og verðið hefur lækkað milli ára.

Í dag eru ódýrustu fargjöldin til London, Kaupmannahafnar og Oslóar í byrjun október nokkru lægri en þau voru í fyrra og hittifyrra. Verðmunurinn er allt að fimmtungur ef ferðinni er heitið til London, ódýrarasta farið til Kaupmannahafnar hefur lækkað um nærri fjórðung og til Oslóar má finna farmiða sem kostar þriðjungi minna en á þessum tíma í fyrra.

Þeir sem eru á ferðinni í ár borga því mun minna fyrir flugið til þessara borga en þeir sem fóru síðustu tvö ár.

Farmiðar til London hækkuðu í fyrra í samanburði við árið 2012 en kosta núna minna en fyrir tveimur árum eins og sjá má á töflunni hér fyrir neðan.

Þróun fargjalda í viku 40 (30.sept. til 5. okt.) milli ára þegar bókað er með tólf vikna fyrirvara

 2014

2013

2012
London:   
Easy Jet32.346 kr.38.633 kr.32.603 kr.
Icelandair36.240 kr.40.580 kr.43.190 kr.
Wow Air27.965 kr.34.173 kr.29.939 kr.
Kaupmannahöfn:   
Icelandair31.540 kr.39.430 kr.39.050 kr.
Wow Air27.965 kr.32.903 kr.31.860 kr.
Osló:   
Icelandair33.420 kr.38.080 kr.
Norwegian27.301 kr.41.759 kr.
SAS31.345 kr.29.666 kr.

Túristi hefur gert mánaðarlegar verðkannanir á flugi til Kaupmannahafnar og London í rúm tvö ár en Osló bættist við síðar. Það er því ekki til samanburður á fargjöldum til Osló fyrir árið 2012. Í verðkönnununum eru fundin ódýrustu fargjöldin, báðar leiðir, innan ákveðinnar viku og farangurs- og bókunargjöld eru tekin með í reikninginn.

Þróun fargjalda í viku 32 (5.-11. ágúst) milli ára þegar bókað er með fjögurra vikna fyrirvara

 2014

2013

2012
London:   
Easy Jet45.893 kr.44.612 kr.47.016 kr.
Icelandair76.830 kr.65.820 kr.54.990 kr.
Wow Air51.413 kr.45.173 kr.38.999 kr.
Kaupmannahöfn:   
Icelandair65.240 kr.68.570 kr.46.850 kr.
Wow AirEkki til flug út62.903 kr.34.860 kr.
Osló:   
Icelandair49.020 kr.56.380 kr.
Norwegian58.513 kr.54.029 kr.
SAS44.005 kr.61.606 kr.


Í þessum mánaðarlegu könnunum Túrista eru fundin lægstu fargjöldin, báðar leiðir, innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar. Farangurs- og kreditkortagjöld eru tekin með í reikninginn (sjá samantekt yfir aukagjöld hér). Verð voru fundin á heimasíðum félaganna í dag og 11. júlí 2012.

 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …