Samfélagsmiðlar

Ákvörðun Hæstaréttar hefur ekki áhrif á Samkeppniseftirlitið

Leita skal álits EFTA dómstólsins í deilunni um úthlutun afgreiðslutíma á Keflavíkurflugvelli samkvæmt úrskurði Hæstaréttar. Samkeppniseftirlitið heldur samt sínu striki og kannar málið annað árið í röð. MEIRA

 

 

 

Leita skal álits EFTA dómstólsins í deilunni um úthlutun afgreiðslutíma á Keflavíkurflugvelli samkvæmt úrskurði Hæstaréttar. Samkeppniseftirlitið heldur samt sínu striki og kannar málið annað árið í röð.

Deilan um afgreiðslutíma á Keflavíkurflugvelli mun dragast á langinn. Málið hefur verið til meðferðar í nærri eitt og hálft ár og í gær skaut Hæstiréttur því til EFTA dómstólsins til að fá úr því skorið hver fari með valdið til að úthluta tímunum. Samkeppniseftirlitið hefur áður sagt það á færi Isavia, rekstraraðila flugvallarins og fór fram á að WOW air fengi ákveðna tíma á Keflavíkurflugvelli til að hefja flug til Bandaríkjanna. Forsvarsmenn Isavia sögðu málið samt ekki á sinni könnu þar sem úthlutunin færi eftir alþjóðlegum reglum.

Ekki er vitað hvenær niðurstaða EFTA dómstólsins liggur fyrir óvíst hvort nokkuð gerist í málinu þangað til. Forsvarsmenn WOW air hættu við flug til Bandaríkjanna í sumar meðal annars vegna þess drátts sem varð á málinu. Hvaða áhrif niðurstaða Hæstaréttar í gær hefur á áform WOW air um að hefja flug til Bandaríkjanna á næsta ári vill Svanhvít Friðriksdóttir, upplýsingafulltrúi, ekki tjá sig um að svo stöddu.

Nýtt mál í gangi

Samkeppniseftirlitið hefur á ný tekið til skoðunar ferlið við úthlutun afgreiðslutíma á Keflavíkurflugvelli fyrir næsta sumar að beiðni WOW air. Samkvæmt upplýsingum frá eftirlitinu þá hefur niðurstaða Hæstaréttar frá í gær ekki áhrif á rekstur þess máls á þessu stigi. Samkeppniseftirlitið stefnir að því að taka afstöðu til ný erindisins í haust.

Forsaga málsins:

Síðastliðið haust komst Samkeppniseftirlitið að þeirri niðurstöðu að WOW air skildi fá úthlutaða afgreiðslutíma á Keflavíkurflugvelli milli klukkan sjö og átta á morgnana og milli fjögur og hálfsex seinnipartinn til að hefja flug til Bandaríkjanna. Engin pláss eru laus á þessum tíma dags fyrir flug til landa utan Schengen svæðisins þar sem Icelandair nýtir þau öll. Hafði WOW air áður fengið tíma um klukkustund undan og eftir þessum tveimur dagspörtum. Isavia, rekstraraðili Keflavíkurflugvallar, kærði úrskurðinn og sagði málið ekki á sinni könnu því úthlutunin færi eftir alþjóðlegum reglum og væri framkvæmd af hlutlausum samræmingastjóra. Í lok febrúar sl. felldi áfrýjunarnefnd samkeppnismála úr gildi ákvörðun Samkeppniseftirlitsins. Skömmu áður höfðu forsvarsmenn WOW air gefið út að ekkert yrði úr fluginu vestur um haf í ár og kærðu þeir í kjölfarið ákvörðun áfrýjunarnefndarinnar kröfðust ógildingar á úrskurði hennar. Við málsmeðferð kærumálsins óskuðu Isavia og Icelandair eftir því að leitað yrði ráðgefandi álits EFTA dómstólsins um stöðu samræmingarstjóra flugvallarins og við því varð Hæstiréttur en héraðsdómur hafði komist að annarri niðurstöðu.

NÝJAR GREINAR: ÁFANGASTAÐIR VETRARINSÁFANGASTAÐIR SEM GÆTU FALLIÐ NIÐUR
HÓTEL: GERÐU VERÐSAMANBURÐ Á HÓTELUM
BÍLALEIGA: HVAÐ KOSTAR AÐ LEIGJA BÍL Í ÚTLÖNDUM

 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …