Samfélagsmiðlar

Farið til London lækkar um allt að helming

Lægstu fargjöldin til Kaupmannahafnar, Oslóar og London sveiflast í allar áttir eftir mánuðum og flugfélögum. Til allra þessara borga má fljúga fyrir innan við 30 þúsund krónur í nóvember er verðið er hærra í september. MEIRA

 

 

 

Lægstu fargjöldin til Kaupmannahafnar, Oslóar og London sveiflast í allar áttir eftir mánuðum og flugfélögum. Til allra þessara borga má fljúga fyrir innan við 30 þúsund krónur í nóvember er verðið er hærra í september.

Í lok október hefur easyJet áætlunarflug hingað frá Gatwick og bætist sú leið við flug félagsins milli Keflavíkur og Luton. Vikulega mun félagið því fljúga til Íslands allt að tíu sinnum í viku frá höfuðborg Bretlands.

Þessi auknu umsvif lággjaldaflugfélagsins hafa haft töluverð áhrif á fargjöldin á þessari flugleið samkvæmt verðkönnunum Túrista. Lægsta farið, fram og tilbaka, með easyJet í byrjun nóvember hefur t.a.m. lækkað um helming frá sama tíma í fyrra og er núna tæplega 23 þúsund krónur með farangri. Hjá WOW air nemur lækkunin þriðjungi og hjá Icelandair er verðið fjórðungi lægra eins og súluritið sýnir. Smelltu hér til að sjá nákvæmar tölur.

Þróun lægstu fargjalda til London í viku 44 (27.okt til 2.nóv) milli ára

Dýrara í september

Ef ferðinni er heitið út eftir fjórar vikur þá kostar mun meira að bóka far til London með easyJet og WOW air en það kostaði á sama tíma í fyrra og hittifyrra. Icelandair hefur hins vegar lækkað sín verð. WOW air býður hins vegar lægst til Kaupmannahafnar í byrjun september og ódýrasta farið til Oslóar er hjá SAS. Á næstu síðu (smelltu hér) má sjá hvernig fargjöldin í byrjun september og nóvember hafa þróast milli ára.

 

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir fríið

 

Sérvalin hótel í ódýrari kantinum og í milliverðflokki á vegum Tablet Hotels:

París: MayetThe FiveHotel Thérése London: The RockwellThe Mandeville
Kaupmannahöfn: TwentySevenAlexandra New York: AceSmyth
Barcelona: MarketGranados83 Berlín: KuDamm101Sir F.K. Savigny

 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …