Samfélagsmiðlar

Um 10 til 15 störf frá Íslandi til Lettlands

Í byrjun vetrar er gert ráð fyrir að fyrstu farþegar nýs flugfélags í eigu Primera Air fari í loftið. Með breytingunum færast störf frá skrifstofum félagsins í Reykjavík til Riga í Lettland. MEIRA

 

Í byrjun vetrar er gert ráð fyrir að fyrstu farþegar nýs flugfélags í eigu Primera Air fari í loftið. Með breytingunum færast störf frá skrifstofum félagsins í Reykjavík til Riga í Lettlandi.

Hið íslenska Primera Air hefur sótt um flugrekstrarleyfi fyrir nýtt flugfélag í Lettlandi. Í dag notast Primera Air við danskt flugrekstrarleyfi en samkvæmt tilkynningu er ástæðan fyrir stofnun félags í Lettlandi sú að þannig verður Primera Air sveigjanlegra en ef aðeins væri stuðst við danska leyfið.

Í ferðaritinu Standby.dk er haft eftir Jacob Helle, viðskiptastjóra Primera Air, að með ódýrari starfskrafti í Lettlandi verði félagið samkeppnishæfara á mörkuðum utan Norðurlandanna. Nýráðinn forstjóri, Hrafn Þorgeirsson, tekur í svipaðan streng í viðtali við ferðaritið Checkin.dk. Þar segir hann að kostnaðurinn við að reka flugfélög í Danmörku og Svíþjóð sé of hár ef keppa eigi á öðrum evrópskum mörkuðum.

Ný skrifstofa í Riga

Samhliða stofnun flugfélags í Lettlandi mun Primera Air jafnframt opna skrifstofur í höfuðborginni Riga. Nokkrir af stjórnendum félagins, þar á meðal Hrafn, flytjast þangað. Eins munu tíu til fimmtán störf við flug- og viðhaldsstjórn færast héðan til Riga samkvæmt því sem kemur fram á Checkin.dk.

Jón Karl Ólafsson lét af störfum sem forstjóri Primera Air á föstudaginn síðasta þegar tilkynnt var um stofnun nýja félagsins í Lettlandi.

Hér á landi hefur Primera Air aðallega stundað leiguflug fyrir ferðaskrifstofur, þar á meðal systurfélagið Heimsferðir. Flugfélagið býður einnig reglulega upp á ferðir til Kaupmannahafnar, Billund og Alicante.

TILBOÐ: 15% afsláttur í Kaupmannahöfn og 10% í Berlín
NÝJAR GREINAR: HINGAÐ VERÐUR FLOGIÐ Í VETUR

Sérvalin hótel í ódýrari kantinum og í milliverðflokki á vegum Tablet Hotels:

París: MayetThe FiveHotel Thérése London: The RockwellThe Mandeville
Kaupmannahöfn: TwentySevenAlexandra New York: AceSmyth
Barcelona: MarketGranados83 Berlín: KuDamm101Sir F.K. Savigny

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …