Hækka töskugjaldið á ný

Upphaflega kostaði ekkert að taka með sér tösku í flug með WOW air. Tveimur árum síðar verða þeir farþegar sem vilja hafa með sér stærri farangur að borga um átta þúsund krónur undir töskuna báðar leiðir. Forstjórinn segir gjaldskrána hækka og lækka. MEIRA

Það er venjan að farþegar lágfargjaldaflugfélaga greiði aukalega fyrir að innrita farangur. Í sumar rukkuðu sjö flugfélög hér á landi þess háttar gjald og þá var töskugjald WOW air 3.495 krónur. Þeir sem panta flug hjá félaginu í dag borga hins vegar 3.999 krónur fyrir eina innritaða tösku hvora leið. Sá sem fer fram og tilbaka greiðir því nærri átta þúsund krónur í farangursgjald. Hækkunin frá því í sumar nemur því 14,4 prósentum.

Ein taska fylgdi

Fyrstu mánuðina eftir að WOW air hóf áætlunarflug fylgdi ein innrituð taska með kaupunum. Haustið 2012 hófu forsvarsmenn félagsins hins vegar að rukka 2.900 krónur fyrir hverja tösku. Gjaldið hækkaði upp í 3.495 krónur sl. haust og aftur núna.

Sætisvalið hækkar einnig

Stjórnendur WOW air hafa einnig breytt gjaldskrá sinni fyrir val á sætum því í sumar kostaði 595 til 1.995 krónur að taka frá ákveðið pláss en gjaldið er nú 299 til 2.499 krónur. Aðspurður um þessar breytingar segir Skúli Mogensen, forstjóri félagsins, „…við [höfum] verið að þreyfa okkur áfram með hliðartekjurnar og stundum hækkað en líka lækkað einstaka gjaldskrárliði.“

Í lok ágúst var tveimur lykilstarfsmönnum WOW air sagt upp störfum og sögðu forsvarsmenn félagsins þá að þær breytingar væru liður í því að fylgja lággjaldastefnunni enn frekar eftir til að geta staðið við loforðið um að bjóða ávallt lægstu fargjöldin.

NÝJAR GREINAR: Sumarið stóð undir væntingum hjá Úrval-Útsýn – Sumarferðum Íslendinga fjölgar á ný

Sérvalin hótel í ódýrari kantinum og í milliverðflokki á vegum Tablet Hotels:

París: Mayet – The Five – Hotel Thérése London: The Rockwell – The Mandeville
Kaupmannahöfn: TwentySeven – Alexandra New York: Ace – Smyth
Barcelona: Market – Granados83 Berlín: KuDamm101 – Sir F.K. Savigny

Þýska maskínan höktir

Þjóðverjum hefur vegnað vel á efnahagssviðinu síðustu áratugi. Hagkerfi landsins hefur notið þess að framleiðsla á gæðavarningi, flottum bílum og þróuðum tæknibúnaði, hefur verið eftirsótt um heim allan. En nú höktir þýska maskínan af því að hún hefur ekki lengur aðgang að ódýrri orku frá Rússlandi.

Boða fjárfesta til fundar

Flugfélagið Play býður fjárfestum og markaðsaðilum til eftirmiðdagsfundar með stjórnendum félagsins nú á fimmtudaginn á Grand Hótel. Dagskrá hefst klukkan 15:15 að því segir í tilkynningu. Þar segir að á fundinum muni lykilstjórnendur veita innsýn í rekstur félagsins. „Farið verður yfir þann árangur sem félagið hefur náð nú í lok þriðja sumars í rekstri og mat stjórnenda … Lesa meira

Airbnb ræðst gegn svikastarfsemi

Það sem helst hræðir fólk sem leitar að leiguíbúð í fríinu er að lenda í klóm svikara - að íbúðin sem tekin var á leigu og borgað fyrir sé ekki til staðar. Airbnb bregst nú við þessu með því að vinna markvisst að því að leita uppi svikara og fjarlægja af heimasíðunni.

Hækka töskugjaldið á ný

Ein taska fylgdi

Sætisvalið hækkar einnig

Sérvalin hótel í ódýrari kantinum og í milliverðflokki á vegum Tablet Hotels:

Icelandair niður fyrir 60 milljarða króna

Töluverður munur á fargjöldum Icelandair og Play til Salzburg

Þýska maskínan höktir

Boða fjárfesta til fundar

Vaxandi neysla og meiri losun

Airbnb ræðst gegn svikastarfsemi

Boða vantraust á umhverfisráðherrann

Frakkar reyna að hindra framgang kínverskra bílaframleiðenda