Samfélagsmiðlar

Ferðaþjónustan í Portland fagnar komu Icelandair

Í vor bætist bandaríska borgin Portland við leiðakerfi Icelandair og talsmaður ferðaþjónustu borgarinnar er kátur með þessa nýju tengingu við Norðurlöndin.

 

 

 

Í vor bætist bandaríska borgin Portland við leiðakerfi Icelandair og talsmaður ferðaþjónustu borgarinnar er kátur með þessa nýju tengingu við Norðurlöndin.

„Við hjá ferðamálaráði Portland erum hæstánægð með að Icelandair ætli að bjóða upp á beint flug hingað frá Reykjavík frá og með vorinu,“ sagði Jeff Miller, framkvæmdastjóri Travel Portland þegar Túristi ræddi við hann um þá ákvörðun Icelandair að hefja flug til borgarinnar á næsta ári. Jeff Miller bætti því við að með fluginu gefist möguleiki á að taka á móti fleiri íslenskum gestum og einnig batni samgöngur milli Portland og Skandinavíu og sú staðreynd auki enn á gleði ferðamálayfirvalda með þessa ákvörðun stjórnenda Icelandair.

Þrír áfangastaðir í röð

Jómfrúarferð Icelandair til Portland verður farin þann 19. maí og þar með verða áfangastaðir félagsins í Norður-Ameríku orðnir fjórtán talsins. Tveir þeirra, Seattle og Vancouver, eru ekki ýkja langt frá Portland. Það tekur til að mynda innan við þrjá tíma að keyra þangað frá Seattle en til þeirrar borgar flýgur Icelandair daglega allt árið um kring. Flugið til Vancouver og Portland er hins vegar í boði frá vori og fram í lok október.

NÝJAR GREINAR: Þéttsetnar þotur í KeflavíkGóður julefrokost í Kaupmannahöfn

Sérvalin hótel í ódýrari kantinum og í milliverðflokki á vegum Tablet Hotels:

París: MayetThe FiveHotel Thérése London: The RockwellThe Mandeville
Kaupmannahöfn: TwentySevenAlexandra New York: AceSmyth
Barcelona: MarketGranados83 Berlín: KuDamm101Sir F.K. Savigny

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …