Samfélagsmiðlar

Heimild fyrir vopnuðum vörðum í Íslandsflugi

Innanríkisráðherra má gefa leyfi fyrir vopnuðum gæslumönnum í farþegaflugi frá Íslandi. Ekki fást upplýsingar um hvort umsóknir um slíkt hafi verið samþykktar í ráðuneytinu.

Innanríkisráðherra má gefa leyfi fyrir vopnuðum gæslumönnum í farþegaflugi frá Íslandi. Ekki fást upplýsingar um hvort umsóknir um slíkt hafi verið samþykktar í ráðuneytinu.

Nýlega samþykktu norsk yfirvöld að gefa leyfi fyrir vopnuðum vörðum í farþegaflugi til Noregs frá Ísrael og Bandaríkjunum. Af því tilefni sagði samgöngumálaráðherra landsins að lög flestra landa í Evrópu gefi heimild fyrir vopnuðum vörðum í háloftunum. Það á við hér á landi því í lögum um loftferðir segir: „…ráðherra geti ákveðið að vopnaðir verðir séu um borð í íslensku loftfari í almenningsflugi enda séu til þess brýnar ástæður og að ráðherra sem fer með varnarmál mælir með því“.

Hafa fengið umsóknir

Samkvæmt svari innanríkisráðuneytisins til Túrista þá er það meginregla að erlendum loftförum sem koma til Íslands ber að sækja um heimild til að hafa vopnaða verði og hafa samráð við íslensk flugmála- og lögregluyfirvöld í samræmi við evrópskar og alþjóðlegar flugverndarreglur. Ráðuneytið staðfestir að dæmi eru um að sótt hafi verið um leyfi fyrir veru vopnaðs varðar í áætlunarflugi en mun ekki upplýsa um hvort slíkt leyfi hafi verið veitt.

Skotvopn í öllum ferðum

Í Bandaríkjunum ganga þessir vopnuðu verðir undir heitinu „Sky Marshals“ og erum stundum um borð í flugvélum þar í landi. Þotur á vegum ísraelska flugfélagsins El Al fara hins vegar aldrei í loftið án vopnaðra áhafnarmeðlima.

NÝJAR GREINAR: Metsumar hjá HeimsferðumSumarið stóð undir væntingum hjá Úrval-ÚtsýnTöskugjaldið hækkar hjá WOW air

Sérvalin hótel í ódýrari kantinum og í milliverðflokki á vegum Tablet Hotels:

París: MayetThe FiveHotel Thérése London: The RockwellThe Mandeville
Kaupmannahöfn: TwentySevenAlexandra New York: AceSmyth
Barcelona: MarketGranados83 Berlín: KuDamm101Sir F.K. Savigny

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …