Innan um háhýsin í miðborg Vancouver hafa verið lagðir hjólastígar í allar áttir enda er það yfirlýst markmið borgarstjórans að draga úr umferð bíla á svæðinu. Í bílastæðunum standa svo matarvagnar sem servera fjölbreyttan skyndibita til gangandi vegfarenda. Erilinn sem einkennir háhýsahverfi stórborganna er því víðfjarri í Vancouver. Það er kannski helsta ástæðan fyrir því að þessi sex hundruð þúsund manna borg er ávallt í einu af efstu sætunum á lista Economist yfir þær borgir sem best er að búa í.
Fjölbreytt og spennandi úrval á matsölustöðum borgarinnar stelur eiginlega senunni og ómögulegt að gera öllum þessum freistingum góð skil.
Icelandair býður upp á flug til Vancouver allt árið um kring.