400 miðar hafa selst á Tékklandsleikinn

Gott gengi íslenska karlalandsliðsins í knattspyrnu hefur ekki farið fram hjá neinum og það ætla greinilega ófáir Íslendingar að styðja við bakið á liðinu í næsta leik út í Tékklandi.

Sunnudagskvöldið 16. nóvember mætir íslenska landsliðið í knattspyrnu liði Tékka í borginni Plzen í undankeppni EM 2016. Bæði lið eru með fullt hús stiga eftir fyrstu þrjá leiki sína í A-riðli og mikil stemmning í báðum löndum fyrir leiknum.

Ferðaskrifstofurnar Vita og Gaman-ferðir efna til hópferða héðan á leikinn en fyrirkomulagið er þó mjög ólíkt. Þeir sem fara með Vita gista í tvær nætur í Prag á meðan þátttakendur í hinni ferðinni fljúga út að morgni og koma heim um nóttina.

Stígandi í sölunni

Samkvæmt upplýsingum frá Vita þá fór sala á sætum í ferðina hægt af stað en góður stígandi hefur verið síðustu daga og lágmarksþátttaka hefur náðst. Verð á mann í tvíbýli er frá 115.000 krónum í ferð Vita. Hjá Gaman-ferðum eru ennþá laus 30 til 35 sæti og kostar farið 62.900 krónur.

Hægt að bóka fram í næstu viku

Miðar á leikinn kosta 6000 krónur og verða ferðalangar sjálfir að bóka miðana hjá Knattspyrnusambandi Íslands. Samkvæmt upplýsingum frá KSÍ hafa nú þegar selst 400 miðar en sambandið hefur rétt á þúsund stykkjum. Til stóð að hætta sölunni á morgun en vegna mikils áhuga þá verður henni haldið áfram á mánudag og þriðjudag í næstu viku. Sjá nánar á heimasíðu KSÍ.

SÉRVALIN HÓTEL Á VEGUM TABLET HOTELS:


PARIS: PARADISPARIS – FRÁ 17ÞÚS KR.	KÖBEN: HOTEL 27 – FRÁ 20ÞÚS KR.	LONDON: ROCKWELL – FRÁ 17ÞÚS KR.	NEW YORK: NIGHT HOTEL – FRÁ 14ÞÚS KR.

Hætta við flug til Akureyrar og Egilsstaða

Þýska flugfélagið Condor hefur tilkynnt að hætt hafi verið við áætlunarflug til Akureyrar og Egilsstaða frá Frankfurt sem hefjast átti um miðjan maí og standa fram í október. Sala á þessum ferðum hófst í júlí í fyrra og þá fagnaði forsvarsfólk ferðaþjónustunnar fyrir norðan og austan eins og Túristi greindi frá. Fyrirvarinn að fluginu hefði hins vegar þurft … Lesa meira

Matvörukeðjur bregðast við gagnrýni fjármálaráðherra og lækka verð

Fjármálaráðherra Svía, Elisabeth Svantesson, boðaði stjórnendur þriggja stærstu matvörukeðja landsins á sinn fund í byrjun síðustu viku til að ræða ört hækkandi matvælaverð í Svíþjóð. Í febrúar hækkaði verðlag á mat og drykkjarvörum meira en dæmi eru um síðan opinbert verðlagseftirlit hófst árið 2015 eða um 3,4 prósent. Til samanburðar hefur vísitala neysluverðs á mat … Lesa meira

„Við samþykkjum þetta ekki“

„Starfsfólk á flugvöllum, á ferjunum og í lestarsamgöngukerfinu halda landinu gangandi en eru á svo lágum launum að ekki tekst að manna öll störf. Fólk er ekki aðeins á lágum launum heldur þarf að þola mikið álag," segir formaður samtakanna sem lama nánast samgöngur í Þýskalandi í dag með verkföllum.

Herbergið verður ekki þrifið í dag

Það verður sífellt algengara vestanhafs að hótelherbergi séu ekki þrifin daglega nema að gesturinn óskir þess og sé tilbúinn að greiða aukalega fyrir það. Margir gestir óska þess að fá að vera í friði með sitt dót og telja sig vera að leggja umhverfinu lið með því að hafna þrifum. Hótelin spara tilkostnað en verkalýðsfélög mótmæla.

Fleiri bílaleigubílar en fyrir heimsfaraldur

Skortur á bílaleigubílum og hótelbergjum hafði neikvæð áhrif á afkomu Play síðastliðið sumar þar sem félagið fór á mis við tekjur af sölu flugmiða til þeirra sem ætluðu til Íslands með stuttum fyrirvara. Þetta kom fram í máli forstjóra Play sl. haust þegar sumarvertíðin var gerð upp. Forsvarsmenn bílaleiganna tóku hins vegar ekki undir þetta … Lesa meira

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira