Samfélagsmiðlar

Áfram lækka fargjöldin

Sá sem bókar flug til Kaupmannahafnar, Oslóar eða London í dag borgar minna fyrir farið í dag en á sama tíma í fyrra og hittifyrra.

 

 

 

Sá sem bókar flug til Kaupmannahafnar, Oslóar eða London í dag borgar minna fyrir farið í dag en á sama tíma í fyrra og hittifyrra.

Á þessum tíma í fyrra kostaði ódýrasta farið til London eftir fjórar vikur rúmar fjörutíu þúsund krónur. Í dag er hins vegar hægt að fá miða hjá easyJet og WOW air fyrir um þrjátíu og fimm þúsund. Lægsta fargjaldið til Kaupmannahafnar hefur lækkað um rúmar átta þúsund og flugmiðar til höfuðborgar Noregs eru sem fyrr þeir ódýrustu. Eins og sjá má á súluritinu hér fyrir neðan þá hafa fargjöldin lækkað á milli ára hjá öllum flugfélögum.

Janúar líka mun ódýrari en áður

Það hafa líka orðið verðlækkanir á milli ára á farmiðum í fjórðu viku hvers árs. Lægsta fargjald easyJet í þeirri viku á næsta ári er t.a.m. um helmingi lægra en það var á sama tíma fyrir tveimur árum. Farið með íslensku félögunum til London og Kaupmannahafnar er líka mun lægra en það hefur verið síðustu ár eins og sjá má á neðra súluritinu. Þetta er í takt við síðustu kannanir Túrista sem nær allar hafa sýnt verðlækkanir á fargjöldum á milli ára.

Túristi gerir mánaðarlegar verðkannanir á fargjöldum til London, Kaupmannahafnar og Oslóar. Fundin eru lægstu fargjöld, báðar leiðir, hjá hverju félagi fyrri sig. Bókunar-, kreditkorta- og töskugjöldum er bætt við þegar við á. Handfarangursheimild WOW air er hins vegar ekki tekin með í reikninginn.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …