Samfélagsmiðlar

Ferðalag um freyðandi hluta Frakklands

Kampavínsbændur vonast til að héraðið þeirra verði sett á heimsminjaskrá á næsta ári. Það eru ekki aðeins drykkurinn frægi sem laðar ferðamenn að þessu svæði heldur líka sveitasælan og einstaklega falleg þorp.

Fólki ber ekki saman um uppruna freyðivínsins en í Champagne héraði í Frakklandi er þegjandi samkomulag um að það hafi verið munkurinn Dom Pérignon sem fyrstur manna fann leið til að framleiða vínið sem er kennt við héraðið. Á Dom að hafa opnað fyrstu flöskuna af þessum freyðandi, gyllta vökva, sem framleiddur var samkvæmt hans forskrift, og sagt að nú hefði hann svalað sér á stjörnunum. Hvað sem sannleiksgildi sögunar líður þá er að staðreynd að í dag starfa um fimmtán þúsund vínbændur í héraðinu við framleiðslu á kampavíni sem byggir á aðferðum sem meðal annars munkurinn frægi lagði drög að.

Verðmætar vínekrur

Framlag Dom Pérignon til vínmenningarinnar í Champagne héraði þótti strax svo merkilegt að hann var jarðsettur inni í aðalkirkjunni í bænum Hautvillers þar sem hann bjó og starfaði. Þetta fallega og sjarmerandi pláss er því í dag skyldustopp hjá öllum þeim sem fara um hið rómaða Champagne hérað. Ekki aðeins til að skoða gröf munksins heldur einnig smakka á framleiðslu bæjarbúa en Hautvillers er umkringd vínökrum. Meðal annars í eigu hins fræga kampavínsframleiðanda Moët&Chandon.

Engum sveitarstjórnarmanni í þessum hluta Frakklands dettur í hug að ganga á vínræktarlandið til að stækka byggðina því ein vínekra kostar að minnsta kosti um 250 milljónir króna en engin þeirra mun hins vegar vera til sölu. Byggðin í Hautvillers mun því líklega haldast óbreytt um ókomna framtíð.

Kjallaranir við Kampavínsstræti

Það eru fáir sem opna kampavínsflöskur að tilefnislausu enda kostar flaskan töluvert meira en hefðbundið freyðivín. Flöskurnar sem innihalda besta safann úr verðlaunaárgöngum eru svo virði tugi þúsunda ef ekki meira. Margar þeirra eru geymdar í kjöllurunum við hina glæsilegu L’Avenue de Champagne, Kampavínsstræti, í bænum Épernay. En í slottunum við þessa merkilegu götu er að finna aðalskrifstofur margra þekktra kampavínshúsa. Vegna þess hve mikil verðmæti eru geymd í kjöllurunum er gatan stundum sögð dýrasta stræti Frakklands. Á næsta ári gæti verðmiðinn á götunni hækkað enn frekar því samtök Kampavínsframleiðanda, Comité Champagne, gera sér vonir um að Unesco samþykki umsókn þeirra um að setja götuna og fleiri þekkta staði í héraðinu á heimsminjaskrá. Það yrði stór sigur fyrir samtökin en þó ekkert í líkingu við það þegar fallist var á beiðni þeirra um að aðeins þau freyðivín sem framleidd væru í héraðinu mættu kallast Champagne.

Alla vega ein flaska

Bærinn Épernay er skammt frá Hautvillers og það er því liltið mál að gera þeim báðum góð skil á ferðalagi um héraðið. Champagne liggur reyndar ekki langt frá París, aðeins um 150 kílómetra í austur og því hægt að sameina heimsókn til höfuðborgarinnar með ferðalagi út á þessar frægu vínekrur. Margir þeirra ferðamanna sem gefa sér lengri tíma í héraðinu halda til í borginni Reims og keyra svo þaðan um sveitirnar og koma við á vínekrunum þar sem bændur taka á móti ferðamönnum. Það er þó reiknað með að gestirnir kaupi að minnsta kosti eina flösku.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …