Tíu fyrirtæki etja kappi um nafnbótina „Besta flugleitarvél heims”. Í byrjun vetrar kemur í ljós hver hneppir hnossið en sömu aðilar keppa í ár og í fyrra.
Tíu fyrirtæki etja kappi um nafnbótina „Besta flugleitarvél heims”. Í byrjun vetrar kemur í ljós hver hneppir hnossið en sömu aðilar keppa í ár og í fyrra.
Íslenska flugleitarvélin Dohop hefur verið tilnefnd til World Travel Awards verðlaunanna í flokknum „Besta flugleitarvél heims” annað árið í röð. Í fyrra voru verðlaun í þessum flokki veitt í fyrsta skipti og þá var það bandaríska leitarvélin Kayak sem bar sigur úr bítum.
Réttari verð
Sömu tíu fyrirtæki eru tilnefnd til verðlaunanna í ár og í fyrra. Aðspurður um hvort sigurlíkur Dohop séu meiri núna segir Jóhann Þórsson, markaðsstjóri Dohop, að mikil vinna hafi verið lögð í að efla Dohop Go þjónustuna undanfarið. Eins hafi verið unnið að því að tryggja að notendur leitarvélarinnar fái upp söluaðila sem passa fyrir þeirra markað. Rússar fá þá upplýsingar á rússnesku og verð í rúblum og svo framvegis. Jóhann bætir því einnig við að fólk eigi líka að vera öruggara í dag með að verðin sem koma upp hjá Dohop séu rétt.
Á heimasíðu World Travel Awards er hægt að greiða atkvæði í valinu fram til 19. október. Árið 2013 bárust um hálf milljón atkvæða til tilnefndra fyrirtækja að því segir í tilkynningu frá Dohop.
NÝJAR GREINAR: Bæta við jólaferðum til Íslands – Stokkhólmur ódýrari
Sérvalin hótel í ódýrari kantinum og í milliverðflokki á vegum Tablet Hotels:
París: Mayet – The Five – Hotel Thérése London: The Rockwell – The Mandeville
Kaupmannahöfn: TwentySeven – Alexandra New York: Ace – Smyth
Barcelona: Market – Granados83 Berlín: KuDamm101 – Sir F.K. Savigny