Samfélagsmiðlar

Fargjöld lækka með fleiri lággjaldaflugfélögum

Norska flugfélagið Norwegian hóf nýlega að fljúga til Bandaríkjanna frá höfuðborgum Skandinavíu og London. Talsmaður fyrirtækisins telur það jákvætt að fleiri norræn lággjaldaflugfélög taki slaginn í fluginu yfir hafið. Forsvarsmenn flugvallarins í Boston taka í svipaðan streng.

 

 

Norska flugfélagið Norwegian hóf nýlega að fljúga til Bandaríkjanna frá höfuðborgum Skandinavíu og London. Talsmaður fyrirtækisins telur það jákvætt að fleiri norræn lággjaldaflugfélög taki slaginn í fluginu yfir hafið. Forsvarsmenn flugvallarins í Boston taka í svipaðan streng.

Hingað til hafa evrópsk lágfargjaldaflugfélög látið sér nægja að flytja farþega innan álfunnar. Á því varð hins vegar breyting á síðasta ári þegar Norwegian hóf að fljúga til fimm bandarískra borga frá Osló, Stokkhólmi, Kaupmannahöfn og Bergen. Í sumar bætti félagið svo við flugi milli Gatwick flugvallar í London og JFK í New York. Í morgun hófst sala á farmiðum með WOW air til Boston og Washington og mun íslenska lágfargjaldaflugfélagið etja kappi við m.a. Norwegian um farþega á leið frá London og Kaupmannahöfn til austurstrandar Bandaríkjanna og öfugt.

Bandaríkjamenn meirihluti farþega

Lasse Sandaker Nielsen, talsmaður Norwegian, segir í samtali við Túrista að það sé fagnaðarefni að fleiri aðilar keppi við hin hefðbundnu flugfélög um farþega á leið yfir hafið. „Það skilar sér í fleiri valmöguleikum fyrir kúnnana og fargjöldin lækka. Lágfargjaldaflugfélögin munu búa til nýjan markað í ferðalögum á lengri flugleiðum líkt og þau hafa gert á styttri leiðum, t.d. innan Evrópu“, segir Lasse Sandaker-Nielsen. Að hans sögn þá hefur flug Norwegian milli Evrópu og Bandaríkjanna fengið góð viðbrögð hjá neytendum og sætanýtingin verið yfir 90 prósent. Á mörgum flugleiðanna eru Bandaríkjamenn meira en helmingur allra farþega norska félagsins.

Norwegian, sem er þriðja stærsta lággjaldaflugfélag Evrópu, notar nýjar Boeing Dreamliner vélar í flugi sínu yfir hafið. Vegna endurtekinna bilanna í þotunum hefur ferðaáætlun félagins oft riðlast og mörg dæmi um langar seinkanir.

Jákvætt að fá lágfargjaldaflugfélag til Boston

Þegar WOW air hefur áætlunarflug til Boston í vor verða í boði fjórar ferðir á dag þangað frá Íslandi. Aðeins Heathrow í London býður upp á betri flugsamgöngur frá Evrópu til borgarinnar líkt og Túristi greindi frá. Icelandair og WOW air verða einu norrænu flugfélögin sem fljúga til Boston. Í svari til Túrista segir Jennifer B. Mehigan, talskona flugvallarins í Boston, að þegar samkeppni á flugleiðum aukist þá komi það farþegum til góða. „Að fá lágfargjaldaflugfélag á þessa flugleið gætu reynst ferðaþjónustunni í Boston og á Íslandi frábær viðbót. Við hlökkum til að sjá hvaða breytingar WOW kemur með á þennan markað“.

Iceland Express flaug á sínum tíma til New York og Boston en félagið var ekki með flugrekstrarleyfi og taldist því ekki vera fullgilt flugfélag.

SÉRVALIN HÓTEL Á VEGUM TABLET HOTELS:

BERLÍN: 15% AFSLÁTTUR Á THE DUDE Í NÓV.KÖBEN: NÓTTIN FRÁ 20 ÞÚSUND Á HOTEL 27LONDON: ROCKWELL FRÁ 17 ÞÚSUND KR.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …