Eitt stærsta flugfélag Bretlands leitar leiða til að innrétta nýjan flugflota sinn á heppilegri hátt, sérstaklega fyrir fjölskyldur.
Eitt stærsta flugfélag Bretlands leitar leiða til að innrétta nýjan flugflota sinn á heppilegri hátt, sérstaklega fyrir fjölskyldur.
Það eru oftast pláss fyrir þrjár manneskjur í sætaröðum hefðbundinna farþegaþota. Einn úr vísitölufjölskyldunni verður því að sitja annars staðar.
Á því gæti hins vegar orðið breyting á næstu árum því forsvarsmenn breska flugfélagsins Thomson Airways hafa látið hanna sérstök fjölskylduborð fyrir nýjustu þotur sínar af gerðinni Boeing 737 Max. Icelandair hefur einnig fest kaup á þess háttar vélum og gæti mögulega valið samskonar innréttingar þegar þar að kemur..
Sama skipulag og í lestum
Nýja skipulagið gengur út á að snúa annarri hverri sætaröð við og setja borð á milli. Fjögurra til sex manna fjölskyldur geta þá auðveldlega setið saman við eitt borð líkt og í lest. Þetta eykur möguleika fjölskyldna á að taka í spil og ræða málin yfir matnum saman í stað þess að stara á skjá alla ferðina.
Barnapíur um borð
Forsvarsmenn Thomson Airways vilja ganga enn lengra í að auðvelda barnafölskyldum lífið í háloftunum og ætlunin er að starfrækja sérstaka barnaklúbba um borð með sérþjálfuðu starfsfólki sem kann tökin á ungviðinu. Thomson Airways er í eigu eins stærsta ferðaskipuleggjanda Bretlands og er hluti að TUI samsteypunni líkt og ferðaskrifstofan Nazar sem selur Tyrklandsreisur frá Íslandi.
SÉRVALIN HÓTEL Á VEGUM TABLET HOTELS:
KÖBEN: NÓTTIN FRÁ 20 ÞÚSUND Á HOTEL 27 | LONDON: ROCKWELL FRÁ 17 ÞÚSUND KR. |