Hingað til hafa pakkaferðir á haustin og vorin verið eina valkosturinn fyrir þá sem vilja fljúga beint héðan til höfuðborga Írlands og Ítalíu. Á því verður breyting næsta sumar.
Hingað til hafa pakkaferðir á haustin og vorin verið eina valkosturinn fyrir þá sem vilja fljúga beint héðan til höfuðborga Írlands og Ítalíu. Á því verður breyting næsta sumar.
Þegar flogið er frá Keflavík til meginlands Evrópu er flugtíminn sjaldnast meiri en rétt rúmir fjórir tímar. Lengra hafa flugfélögin ekki farið í austur, alla vega ekki í reglulegu áætlunarflugi. Í sumar ætla hins vegar forsvarsmenn WOW air að bjóða upp á vikulegar ferðir til Leonardo De Vinci flugvallar í Róm og má reikna með að ferðin þangað taki rúma fjóra og hálfa klukkustund. Með þessari viðbót við leiðakerfið gefst íslenskum túristum kostur á að fljúga beint til tveggja ítalskra borga yfir aðalferðamannatímann því bæði Icelandair og WOW air fljúga til Mílanó yfir sumarmánuðina.
Írland kemst á kortið
Líkt og Róm þá hefur Dublin lengi verið fastur liður í sölubæklingum ferðaskrifstofanna hér á landi. Iceland Express áformaði að hefja flug til írsku borgarinnar fyrir tveimur árum en úr því varð ekki. Í sumar verður Dublin hins vegar fjórði heilsársáfangastaður WOW air. Jómfrúarferð félagsins verður farin 2. júní og verður flogið þrisvar í viku til höfuðborgar Írlands frá Keflavík. Í júní bætist einnig Billund í Danmörku við leiðakerfi WOW air.
Oftar til Spánar, Frakklands og Hollands en sjaldar til Þýskalands
Í haust fjölgaði WOW air ferðum sínum til Alicante og Barcelona og forsvarsmenn félagsins boða áframhaldandi vöxt í Spánarreisum því vikulegum ferðum til borganna tveggja verður fjölgað úr þremur í fjórar. Eins verður bætt við ferðum til Parísar, Mílanó, Berlínar og Amsterdam. Tíðni ferða til Stuttgart og Dusseldorf minnkar hins vegar og Zurich verður ekki lengur á dagskrá félagsins.
Fram kemur í tilkynningu frá WOW air að flugfloti félagsins muni stækka úr fjórum í sex Airbus þotur á næsta ári og gert er ráð fyrir að farþegafjöldinn fari upp í 800 þúsund. Það er aukningum um 60 prósent frá því í ár.
TILBOÐ: 15% afsláttur á góðu hóteli í Kaupmannahöfn
NÝJAR GREINAR: Þráðlaust í Flugstöð Leifs Eiríkssonar – Vilja tryggja flugfarþega fyrir gjaldþrotum
Sérvalin hótel í ódýrari kantinum og í milliverðflokki á vegum Tablet Hotels:
París: Mayet – The Five – Hotel Thérése London: The Rockwell – The Mandeville
Kaupmannahöfn: TwentySeven – Alexandra New York: Ace – Smyth
Barcelona: Market – Granados83 Berlín: KuDamm101 – Sir F.K. Savigny
