Í september lauk sumarflugi margra erlendra flugfélaga til Íslands og áfangastöðunum fækkar í framhaldinu.
Í september lauk sumarflugi margra erlendra flugfélaga til Íslands og áfangastöðunum fækkar í framhaldinu.
Airberlin, Delta, German Wings og Transavia eru meðal þeirra flugfélaga sem aðeins fljúga til Íslands yfir aðalferðamannatímann. Síðustu ferðir þessara félaga til Íslands í ár voru því farnar í byrjun september. Fjöldi áætlanaferða frá Keflavíkurflugvelli í síðasta mánuði var þar af leiðandi ríflega þriðjungi minni en í ágúst samkvæmt talningu Túrista en samtals var boðið upp á áætlunarferðir til fimmtíu borga. Til margra þeirra voru ferðirnar þó sárafáar.
London á toppnum á ný
Í júlí og ágúst var Kaupmannahöfn sú borg sem oftast var flogið til frá Keflavík en London er alla jafna í toppsætinu. Í september endurheimti breska höfuðborgin efsta sætið. Kaupmannahöfn fylgir fast á eftir eins og sjá má á listanum hér fyrir neðan yfir þær borgir sem oftast var flogið til frá Keflavík í september.
Líkt og áður er leiguflug á vegum ferðaskrifstofa ekki tekið með í útreikninga Túrista yfir vægi áfangastaðanna í umferð um Keflavíkurflugvöll.
Vægi vinsælustu áfangastaðanna í september í brottförum talið:
- London: 10,9%
- Kaupmannahöfn: 10%
- New York: 7,3%
- Osló: 7,3%
- París: 6,5%
- Boston: 5%
- Stokkhólmur: 4%
- Amsterdam: 3,3%
- Frankfurt: 2,6%
- Seattle: 2,4%
Sérvalin hótel í ódýrari kantinum og í milliverðflokki á vegum Tablet Hotels:
París: Mayet – The Five – Hotel Thérése London: The Rockwell – The Mandeville
Kaupmannahöfn: TwentySeven – Alexandra New York: Ace – Smyth
Barcelona: Market – Granados83 Berlín: KuDamm101 – Sir F.K. Savigny