Samfélagsmiðlar

Nú rukkar WOW air fyrir handfarangur sem er þyngri en 5 kíló

Þeir farþegar WOW air sem ferðast með lítinn farangur hafa hingað til komist hjá sérstöku töskugjaldi en varla mikið lengur. Um mánaðarmótin hækkuðu gjöldin og hámarksþyngdin lækkaði um helming. 

Þeir farþegar WOW air sem ferðast með lítinn farangur hafa hingað til komist hjá sérstöku töskugjaldi en varla mikið lengur. Um mánaðarmótin hækkuðu gjöldin og hámarksþyngdin lækkaði um helming.

Fyrir ári síðan rýmkuðu forsvarsmenn WOW air reglurnar um handfarangur og hækkuðu hámarksþyngdina úr átta í tíu kíló. Þá sagði upplýsingafulltrúi félagsins að ekki stæði til að rukka fyrir handfarangur.

Þann 1. október var reglunum hins vegar breytt og nú mega farþegar WOW air aðeins taka með sér handfarangurstöskur sem vega í mesta lagi 5 kíló. Kaupa þarf auka handfarangursheimild ef taskan er þyngri en hún má í mesta lagi vera 12 kíló eins og sjá má hér til hliðar. Gjaldið er 1.999 krónur ef flugtíminn er skemmri en fjórir tímar en annars er það 2.999 krónur. Þó aðeins ef heimildin er bókuð á netinu. Sá sem greiðir fyrir handfarangurinn á flugvellinum borgar 3.999 til 8.399 krónur fyrir hvern fluglegg samkvæmt gjaldskrá félagsins. Samkvæmt athugun Túrista takmarkar ekkert annað flugfélag á Keflavíkurflugvelli þyngd handfarangurs við fimm kíló. Í flestum tilfellum er hámarkið 10 kg.

Áfram má taka með sér fríhafnarpoka um borð án þess að greiða sérstaklega fyrir samkvæmt því sem segir á heimasíðu WOW air. Þar kemur einnig fram að farþegar sem keyptu farmiða fyrir síðustu mánaðarmót megi hafa með sér eina tösku í handfarangri að hámarki 10 kíló án þess að greiða þetta nýja aukagjald.

Innritaður farangur hækkar einnig

Líkt og Túristi greindi frá þá hækkaði þóknun WOW air fyrir innritaðan farangur úr 3.495 krónum í 3.999 krónur í lok sumars. Núna hefur gjaldið í lengri flugferðum verið hækkað upp í 4.999 krónur. Það á við um flug til Alicante, Barcelona, Mílanó, Róm, Salzburg og Vilníus. Farþegi sem innritar eina ferðatösku í flug til Spánar og tilbaka borgar því nærri tíu þúsund krónur aukalega.

NÝJAR GREINAR: Kostar minna að taka frá bílaleigubíl34 ferðir á 10 til 18 þúsund krónur fram til áramóta
TILBOÐ: 15% afsláttur á góðu hóteli í Kaupmannahöfn

SÉRVALIN HÓTEL Á VEGUM TABLET HOTELS:

BERLÍN: 15% AFSLÁTTUR Á THE DUDE Í NÓV.KÖBEN: NÓTTIN FRÁ 20 ÞÚSUND Á HOTEL 27FRANKFURT: 25HOURS FRÁ 13.000 KR.

 

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …