WOW hefur sölu á flugmiðum til Bandaríkjanna

Í mars mun WOW air hefja flug til tveggja bandarískra borga. Báðar eru íslenskum farþegum kunnar.

Í vor mun WOW air fara jómfrúarferð sín til Bandaríkjanna þegar áætlunarflug félagsins til Logan flugvallar í Boston hefst. Verður flogið þangað alla daga nema laugardaga. Í sumarbyrjun bætist svo Baltimore/Washington flugvöllur við og verður boðið upp á fimm ferðir í viku þangað. Á heimasíðu WOW air kemur fram að lægstu fargjöldin eru 14.999 krónur, aðra leið. Bókunar- og töskugjöld félagsins bætast svo ofan á.

Aukin samkeppni á báða staði

Um langt árabil flaug Icelandair til Baltimore/Washington flugvallar en lagði niður þá flugleið árið 2006. Fimm árum síðar hóf félagið að fljúga til Washington Dulles flugvallar sem er fyrir vestan höfuðborgina og flýgur félagið þangað allt að daglega. Washington Dulles er 43 kílómetrum frá höfuðborginni en Baltimore/Washington er 55 kílómetrum frá.

Icelandair hefur verið eina norræna flugfélagið í Boston og fljúga vélar félagsins allt að 18 sinnum í viku til borgarinnar. Farþegum í Keflavík mun því standa til boða allt að fjórar ferðir á dag til Boston frá og með vorinu.

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.