Samfélagsmiðlar

4614 áætlunarferðir til útlanda

Vetrardagskrá flugfélaganna hófst í vikunni og næstu fimm mánuði verða farnar að jafnaði um þrjátíu ferðir á dag frá Keflavík til flugvalla í Evrópu og N-Ameríku. London er sú borg sem langoftast er flogið til.

 

 

 

Vetrardagskrá flugfélaganna hófst í vikunni og næstu fimm mánuði verða farnar að jafnaði um þrjátíu ferðir á dag frá Keflavík til flugvalla í Evrópu og N-Ameríku. London er sú borg sem langoftast er flogið til.

Það verður pláss fyrir ríflega átta hundruð þúsund farþega í þeim 4614 áætlunarferðum til útlanda sem flugfélögin á Keflavíkurflugvelli eru með á dagskrá sinni frá og með þessari viku og fram í lok mars þegar sumaráætlunin tekur við. Ef flug til landsins er talið með verða ferðirnar til og frá Keflavík því ríflega níu þúsund talsins í vetur.

Flogið verður til 39 erlendra flughafna en í sumum tilfellum er aðeins um ræða örfáar ferðir.

Þrjú félög fljúga til Gatwick

Síðustu ár hefur framboð á ferðum héðan til London meira en tvöfaldast og í vetur verður flogið þangað nærri þúsund sinnum samkvæmt talningu Túrista. Ef vélarnar verða fullskipaðar munu meira en 180 þúsund farþegar fljúga frá Keflavík til flugvallanna við Gatwick, Heathrow og Luton sem allir eru í nágrenni við höfuðborgina. Gatwick er sá flugvöllur sem oftast er flogið til en þangað fljúga easyJet, Icelandair og WOW air allt árið um kring. Kaupmannahöfn og Osló skipa næstu sæti eins og sjá má á listanum hér fyrir neðan sem byggður er á upplýsingum frá Isavia og flugáætlunum flugfélaganna sex sem halda uppi reglulega millilandaflugi frá Keflavík í vetur (smelltu til að sjá hverjir fljúga hvert).

Borgirnar sem oftast verður flogið til í vetur

SætiBorgFjöldi brottfara frá KeflavíkVægi áfangastaðar
1.London98721,4%
2.Kaupmannahöfn4549,8%
3.Osló3918,5%
4.New York2385,2%
5.París2224,8%
6.Stokkhólmur1753,8%
7.Boston1623,5%
8.-11.Amsterdam1513,3%
8.-11.Frankfurt1513,3%
8.-11.Manchester1513,3%
8.-11.Seattle1513,3%
12.Birmingham1443,1%
13.Toronto1092,4%
14.-15.Glasgow1082,3%
14.-15.Washington1082,3%
16.Edmonton1052,3%
17.Denver1012,2%
18.Helsinki881,9%
19.Basel861,9%
20.Genf861,9%
21.Munchen861,9%
22.Edinborg661,4%
23.Orlandó661,4%
24.Bristol651,4%
25.Berlín631,4%

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …