Borgirnar þar sem Íslendingar bóka oftast gistingu á Airbnb

Íslendingar nýta sér ekki aðeins leiguvefinn Airbnb til að koma íbúðunum sínum á framfæri við ferðamenn. Margir panta sér þar líka gistingu fyrir utanlandsferðina.

Íslendingar nýta sér ekki aðeins leiguvefinn Airbnb til að koma íbúðunum sínum á framfæri við ferðamenn. Margir panta sér þar líka gistingu fyrir utanlandsferðina.

Það er óhætt að fullyrða að vefsíðan Airbnb hafi hrist upp í ferðaþjónustunni hér á landi og út í heimi. Í sumum borgum er meira framboð á gistirými á þessari vefsíðu en stórar hótelkeðjur geta boðið. Hin mikla útbreiðsla Airbnb hefur þó ekki aðeins valdið titringi meðal hótelstjóra því víða hafa íbúar stórborga átt erfitt með að sætta sig við að hefðbundið íbúðarhúsnæði sé orðið að orlofsíbúðum. Í Barcelona hafa borgarbúar til að mynda efnt til mótmæla og krafist þess að settar verðir strangari reglur um útleigu til ferðamanna. Hér á landi skoðar hið opinbera skattskil þeirra sem leigja út á síðum eins og Airbnb.

New York oftast fyrir valinu

Hvað sem þessu líður þá er ljóst að íslenskir ferðalangar nýta sér Airbnb til að finna gistingu í útlöndum. Samkvæmt upplýsingum frá vefsíðunni þá er New York sú borg nýtur mestra vinsælda meðal íslenskra notenda Airbnb. Höfuðborg Frakklands er í öðru sæti og svo koma borgirnar tvær sem oftast er flogið til frá Keflavík. Það er athyglisvert að Barcelona er í fimmta sæti en aðeins er boðið upp á áætlunarflug þangað yfir aðalferðamannatímann. Allar hinar borgirnar á topplistanum eru heilsársáfangastaðir hjá flugfélögunum hér á landi.

Reykjavík vinsæl hér á landi

Eins og sjá má á topplistanum hér fyrir neðan þá er Reykjavík í sjöunda sæti. Það er því greinilegt að vefurinn nýtist líka þeim sem eru á ferðalagi innanlands eða þurfa húsnæði í skamman tíma. Ekki fengust upplýsingar um það hversu margir Íslendingar hafa leigt íbúðir hjá Airbnb en í ljósi vinsælda vefsins má ganga út frá því að stór hópur íslenskra túrista hafi nýtt sér síðuna undanfarin ár.

Hér leigja íslenskir notendur Airbnb sér oftast íbúðir:

1. New York

2. París

3. Kaupmannahöfn

4. London

5. Barcelona

6. Berlín

7. Reykjavík

8. Amsterdam

9. Boston

10. Stokkhólmur

NÝJAR GREINAR: Norðmenn fá norðurljós í vegabréfin – Giggs og félagar opna hótel við Old Trafford

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.