Samfélagsmiðlar

Icelandair situr ekki lengur eitt að Edmonton

Hingað til hefur íslenska félagið verið það eina sem flýgur allt árið frá Edmonton í Kanada til Evrópu. Nú ætlar hins vegar eitt stærsta flugfélag heims að blanda sér í slaginn.

 

Hingað til hefur íslenska félagið verið það eina sem flýgur allt árið frá Edmonton í Kanada til Evrópu. Nú ætlar hins vegar eitt stærsta flugfélag heims að blanda sér í slaginn.

Það vakti mikla athygli í Edmonton í Kanada þegar Icelandair hóf að fljúga þangað í byrjun mars. Evrópsk flugfélög höfðu nefnilega ekki sýnt þessari fimmtu fjölmennustu borg Kanada neinn áhuga og eina beina flugið til Evrópu, sem íbúum Edmonton hafði staðið til boða, voru þrjár ferðir í viku til London með Air Canada. Kanadíska flugfélagið hætti hins vegar að fljúga þessa leið yfir háveturinn eftir að Icelandair tilkynnti um komu sína til Alberta fylkis.

Fengu góðar viðtökur

Upphaflega stóð til að flug Icelandair til Edmonton yrði aðeins í boði yfir aðalferðamannatímann en viðtökurnar voru það góðar að stuttu eftir að miðarnir fóru í sölu var ákveðið að starfrækja þessa flugleið allt árið um kring. Þá hafði Túristi það eftir Guðjóni Arngrímssyni, upplýsingafulltrúa Icelandair, að hann minntist þess ekki að félagið hefði áður fjölgað ferðum og lengt tímabil áður en áætlunarflug til áfangastaðar hæfist. Þessi góði árangur Icelandair í Kanada hefur greinilega vakið athygli í fluggeiranum því í vor ætlar KLM, eitt stærsta flugfélag Evrópu, að hefja áætlunarflug milli Amsterdam og Edmonton samkvæmt tilkynningu. Hollenska félagið mun fljúga fjórum sinnum í viku til Edmonton, líkt og Icelandair gerir, en mun notast við nokkru stærri þotur en Icelandair hefur á sínum snærum.

Fleiri ferðir og miklu fleiri ferðamenn

Í ár fjölgaði áfangastöðum Icelandair í Kanada úr tveimur í fjóra og flugu vélar félagsins þangað allt að sextán sinnum í viku sem er meira en tvöfalt fleiri ferðir en í fyrra. Þessi viðbót hefur skilað sér í mikilli aukningu kanadískra ferðamanna hér á landi. Fyrstu tíu mánuðu ársins komu hingað 35 þúsund Kanadabúar sem er fjölgun um nærri tvo þriðju frá sama tíma í fyrra samkvæmt talningu Ferðamálastofu. Til samanburðar hefur erlendum ferðamönnum á Íslandi fjölgað um nærri fjórðung í ár.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Öll þau nándarhöft sem lögð voru á íþróttamenn á Ólympíuleikunum í Tókýó árið 2021 verða afnumin þegar ólympíuleikarnir í París hefjast í sumar. Í Tókýó var farið fram á það við afreksfólkið sem tók þátt í leikunum að það forðaðist alla óþarfa nánd og snertingu til að koma í veg fyrir Covid-smit.  Ólympíuleikarnir og Ólympíumót …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …