Samfélagsmiðlar

Fljúga hingað frá Frankfurt og Munchen

Framkvæmdastjóri hjá Lufthansa segir félagið vera að koma til móts við óskir viðskiptavina sinna með því að opna tvær nýjar flugleiðir til Íslands.

 

Framkvæmdastjóri hjá Lufthansa segir félagið vera að koma til móts við óskir viðskiptavina sinna með því að opna tvær nýjar flugleiðir til Íslands.

Í byrjun hausts leit út fyrir að Íslandsflug Lufthansa heyrði sögunni til þar sem dótturfélag þess, German Wings, hafði tekið yfir allar ferðir félagsins hingað til lands. Í lok október tilkynntu hins vegar forsvarsmenn félagsins að á næsta ári myndu vélar Lufthansa fljúga til Íslands frá Frankfurt tvisvar sinnum í viku yfir sumarið og nú hefur einnig verið bætt við ferðum hingað frá Munchen. Flogið verður þaðan til Keflavíkur alla laugardaga frá lokum maí og fram í byrjun september.

Lufthansa er mjög umsvifamikið á þessum tveimur stærstu flugvöllum Þýskalands en hefur hingað til aðeins boðið upp á Íslandsferðir frá Dusseldorf, Hamborg og Berlín. En eins og áður segir hefur German Wings tekið þær flugleiðir yfir.

Býður upp á góðar tengingar

Christian Schindler, framkvæmdastjóri hjá Lufthansa, segir í svari til Túrista að það sé mikið ánægjuefni að geta boðið farþegum félagsins á Íslandi upp á beint flug til helstu hafna félagsins í Frankfurt og Munchen. „Þessar nýju flugleiðir eru beint svar við óskum farþega og við höfum tryggt að flugáætlunin bjóða upp á mjög góðar tengingar við bæði leiðakerfi okkar í Evrópu og annars staðar í heiminum.“

Icelandair flýgur til Frankfurt og Munchen allt árið um kring en samkvæmt upplýsingum frá Lufthansa stendur ekki til að fljúga til Íslands yfir vetrarmánuðina.

 

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …