Primera Air selur sín eigin sæti

Þeir sem vilja ferðast á eigin vegum til sólarlanda hafa nú fleiri tækifæri til þess en áður nú þegar Primera Air ætlar að leggja aukna áherslu á sölu farmiða til einstaklinga. Framboð á flugi héðan til Ítalíu eykst töluvert.

Hingað til hefur nær eingöngu verið hægt að kaupa pakkaferðir héðan til Kanaríeyja, Malaga, Krítar og Mallorca. Á því verður nú breyting þar sem Primera Air ætlar að hefja sölu á flugmiðum til níu áfangastaða í suðurhluta Evrópu og Salzburg í Austurríki. Fram kemur í frétt Viðskiptablaðsins að flogið verði einu sinni til tvisvar í viku á hvern stað.

10 áfangastaðir

Primera Air hefur um langt árabil verið umsvifamikið í leiguflugi frá Íslandi fyrir ferðaskrifstofur en einnig selt á heimasíðu sinni sæti í ferðir til Kaupmannahafnar, Alicante og Billund. Forsvarsmenn Primera Air ætla greinilega að auka þann hluta starfseminnar töluvert á næstunni með því að selja sjálfir flugmiða til Kanarí, Tenerife, Barcelona, Malaga, Palma de Mallorca, Bodrum í Tyrklandi og Chania á grísku eyjunni Krít. Félagið hefur hingað til flogið til flestra þessara áfangastaða í samstarfi við ferðaskrifstofur.

Stóraukið framboð á ferðum til Ítalíu

Einn nýr áfangastaður bætist við úrvalið hjá Primera Air á næsta ári þegar félagið hefur flug til ítölsku borgarinnar Bologna. Þangað hefur ekki verið flogið frá Íslandi síðan Iceland Express hætti starfsemi. Síðustu tvö sumur hefur Mílanó verið eina ítalska borgin sem flogið hefur verið beint til frá Keflavík en í sumar munu hins vegar WOW air og Vueling bjóða upp á áætlunarflug héðan til Rómar. Valkostum íslenskra túrista á ferðum til Ítalíu fjölgar því töluvert á næsta ári.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira