Rússar halda sig heima

Veik rúbla og almenn andstaða við aðgerðir rússneskra stjórnvalda í Úkraínu eru sagðar vera helstu ástæður þess að rússneskum ferðamönnum fækkar á heimsvísu.

Veik rúbla og almenn andstaða við aðgerðir rússneskra stjórnvalda í Úkraínu eru sagðar vera helstu ástæður þess að rússneskum ferðamönnum fækkar á heimsvísu.

Það sem af er ári hafa tæplega 7.500 rússneskir ferðamenn heimsótt Ísland og hefur þeim fjölgað um 15 prósent í samanburði við fyrstu tíu mánuðina í fyrra samkvæmt talningu Ferðamálastofu.

Víða annars staðar hefur rússneskum ferðalöngum hins vegar fækkað og reiknar forstöðumaður ferðamálaráðs Rússlands með um 30 prósent samdrætti í utanferðum Rússa í ár. Hann segir að viðskiptabönn, hækkandi dollar og óttinn við ebólu séu helstu ástæður þess að Rússar kjósi að eyða fríinu heima í stað þess að ferðast til annarra landa samkvæmt frétt Standby.dk.

Rúblan fellur

Síðustu 12 mánuði hefur gengi rússnesku rúblunnar fallið um 27 prósent í íslenskum krónum talið. Íslenskir ferðamenn í Rússlandi njóta því góðs af því en hafa þarf í huga að verðbólga í landinu mælist nú átta af hundraði.

Ekki lengur beint flug héðan

Síðustu tvö sumur hefur Icelandair boðið upp á tvær ferðir í viku frá Keflavík til Sankti Pétursborgar en ekki verður framhald á næsta sumar. Félagið mun hins vegar fjölga ferðum til Helsinki en þaðan eru góðar samgöngur við Rússland, bæði með flugi og lestum. Þannig tekur aðeins um fjóra tíma að taka lest úr miðborg Helsinki til Sankti Pétursborgar.

FRÍVERSLUN: PÁSKAFERÐ TIL SANKTI PÉTURSBORGAR

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.