Sofið um borð í flugvél í Amsterdam

Nýjasta viðbótin á gistivefnum Airbnb er þota á vegum hollenska flugfélagsins KLM. Gestirnir geta þó ekki átt von á því að taka á loft á meðan þeir liggja út af eða eru í sturtu.

Nýjasta viðbótin á gistivefnum Airbnb er þota á vegum hollenska flugfélagsins KLM. Gestirnir geta þó ekki átt von á því að taka á loft á meðan þeir liggja út af eða eru í sturtu.

Það eru vafalítið margir sem hafa látið sig dreyma um það að geta lagt sig í þægilegu rúmi um borð í flugvél.

Það kostar hins vegar skildinginn að bóka bedda um borð í breiðþotunum sem fljúga á milli heimsálfa. Þeir sem þurfa að dvelja við Schiphol flugvöll í Amsterdam yfir nótt geta hins vegar hér eftir skriðið upp í rúm í flugvél fyrir mun lægri upphæð. Stjórnendur hollenska flugfélagsins KLM hafa nefnilega ákveðið að gefa einni af þotum sínum hvíld og breyta henni í gistihús. Þotan er víst búinn að fljúga sem samsvarar 3.675 ferðum í kringum hnöttinn og fer ekki lengra í bili.

Í þessu 366 fermetra gistiheimili eru 116 gluggar, átta baðherbergi og bókasafn en aðeins tvö svefnherbergi. Það er því ekki þröngt á milli sæta í þessari vél.

Frí gisting og flug í vinning

Síðustu dagana í nóvember ætlar KLM að bjóða þremur vinningshöfum í sérstökum leik að gista í vélinni sér að kostnaðarlausu og verður gestunum flogið til Amsterdam í boði flugfélagsins. Á heimasíðu Airbnb má finna upplýsingar um hvernig best er að snúa sér til að eiga möguleika á þessum vinningi.

NÝJAR GREINAR: Hlutdeild easyJet tvöfaldast – Snjallsímaforrit fyrir ferðalagið – Ferðalag um freyðandi hluta Frakklands

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira