Samfélagsmiðlar

Sögðu bílaleigur mismuna fólki eftir þjóðerni

Evrópuráðið krafðist skýringa frá forsvarsmönnum alþjóðlegra bílaleigufyrirtækja á ólíkum verðskrám milli aðildarlanda EES samningsins.

 

 

 

Evrópuráðið krafðist skýringa frá forsvarsmönnum alþjóðlegra bílaleigufyrirtækja á ólíkum verðskrám milli aðildarlanda EES samningsins.

Öll nettengd tæki hafa sína eigin IP-tölu og hún upplýsir meðal annars í hvaða landi viðkomandi tölva er stödd. Umsjónarmenn vefsíðna geta því greint staðsetningu notenda og þannig birt texta sem passar við það svæði sem viðkomandi er á og birt verð í réttum gjaldmiðli. Evrópuráðið vill hins vegar meina að forsvarsmenn nokkurra stórra bílaleigufyrirtækja hafi gengið of langt og nýtt þessar upplýsingar til að bjóða sömu þjónustu á mismunandi verði á milli landa.

Tvöfalt verð fyrir Þjóðverja

Í tilkynningu frá ráðinu kemur fram að nýlega hafi verð á bílaleigubíl í Bretlandi tvöfaldast þegar þýskur leigutaki skráði heimalandið sitt í netbókunina. Þjóðverjinn hefði átt að njóta sömu kjara og heimamenn á breskum bílaleigum því samkvæmt regluverki ESB er bannað að mismuna íbúum aðildarlandanna eftir búsetu. Sömu reglur ættu að gilda hér á landi vegna aðildar Íslands að EES-samningnum.

Lofa bót og betrun

Í sumar óskuðu starfsmenn Evrópuráðsins skýringa frá forstjórum bílaleiganna Sixt, Enterprise, Goldcar, Europcar, Hertz og Avis á dæmum um þess háttar verðlagningu. Forsvarsmenn allra fyrirtækjanna hafa lofað að hér eftir muni notendur netverslanna ekki verða færðir sjálfkrafa á síðu sem passar þeirra heimalandi. Eins eigi allir að geta bókað bíla á þeirri síðu sem þeir vilja samkvæmt því sem segir í tilkynningu Evrópuráðsins sem birt var í síðustu viku. Spánverji sem finnur betri kjör á belgískri heimasíðu en spænskri á þá að getað klárað bókunina þar.

Eins og verðkannanir Túrista hafa sýnt þá getur munað miklu á því verði sem bílaleigurnar bjóða á netsíðum sínum og því verði sem sérstakar leitarvélar finna. Það borgar sig því að gera verðsamanburð áður en bíllinn er bókaður.

SÉRVALIN HÓTEL Á VEGUM TABLET HOTELS:

PARIS: PARADISPARISFRÁ 17ÞÚS KR.KÖBEN: HOTEL 27 – FRÁ 20ÞÚS KR.LONDON: ROCKWELL – FRÁ 17ÞÚS KR. NEW YORK: NIGHT HOTEL – FRÁ 14ÞÚS KR.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …