Spænsk kvikmyndahátíð sem ýtir undir ferðaáhugann

Það er frítt í bíó fyrir þá sem vilja sjá kvikmyndir sem eru sérstaklega valdar með það að leiðarljósi að auka löngunina eftir ferðalagi til Spánar.

Það er frítt í bíó fyrir þá sem vilja sjá kvikmyndir sem eru sérstaklega valdar með það að leiðarljósi að auka löngunina eftir ferðalagi til Spánar.

Í lok vikunnar býður ferðamálaráð Spánar til kvikmyndaveislu í Bíó Paradís þar sem sýndar verða fjórar spænskar myndir. Aðgangur er ókeypis.

Af því tilfefni spurði Túristi Trine Fredrikke Pedersen, hjá ferðamálaráðinu, hvort kvikmyndir væru góð leið til að ná til ferðamanna. „Við völdum meðvitað fjórar myndir sem endurspegla spænska menningu og þar sem landslagið spilar stóra rullu. Í myndunum er lögð áherslu á spænskan matarkúltúr, lífstíl, húmor og náttúru og við trúum því að þetta auki áhuga fólks á því að verja fríinu á Spáni.“

Trine segir myndirnar vera mjög ólíkar. „Í Primos (Systrabönd) sést mikið af fallegri náttúru frá norðurhluta Spánar og spænsk kímnigáfa nýtur sín vel í myndinni. Blancanieves (Mjallhvít) fjallar um nautaat, einn umdeildasta sið Spánverja. Myndin er mjög listræn, svarthvít og þögul. Tvær seinni myndirnar, 18 comidas og Fuera de Carta, sýna hvað máltíðir skipa stóran sess í lífi Spánverja. Fólk ver miklum tíma í að ákveða matseðilinn og í eldamennskuna sjálfa.“

Spænska kvikmyndhátíðin hefst á fimmtudagskvöldið og hver mynd er aðeins sýnd einu sinni og með enskum texta. Hægt er að tryggja sér frímiða á myndirnar með því að smella á hlekkina í dagskránni hér fyrir neðan.

Spænsk kvikmyndavika í Bíó Paradís

Primos, fimmtudagskvöldið 13. nóvember.
Blancanieves, föstudagskvöldið 14. nóvember.
18 comidas, laugardagskvöldið 15. nóvember.
Fuera de Carta, sunnudagskvöldið 16. nóvember.

TENGDAR GREINAR: Sólarlandaferðir til Mallorca í boði á ný – Tvöfalda framboðið á ferðum til Tenerife

Ný þota væntanleg til Akureyrar í dag

Seinka varð flugi Niceair frá Kaupmannahöfn til Akureyrar í gær þar sem þotan sem félagið er með á leigu var kyrrsett vegna deilu leigusala og eigenda flugvélarinnar samkvæmt frétt Mbl. Þotunni var svo flogið tómri til Írlands seinnipartinn í gær en farþegar Niceair flugu til Akureyrar með annarri leiguvél. Á morgun er á dagskrá ferð … Lesa meira

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.