Samfélagsmiðlar

Draga úr Kaupmannahafnarflugi

Það stóð til að vélar WOW air myndu fljúga daglega til Kaupmannahafnar eftir áramót.
Ferðunum hefur hins vegar verið fækkað fyrstu mánuði næsta árs.

Það stóð til að vélar WOW air myndu fljúga daglega til Kaupmannahafnar eftir áramót. Ferðunum hefur hins vegar verið fækkað fyrstu mánuði næsta árs.

Kaupmannahöfn er einn vinsælasti áfangastaður íslenskra ferðamanna og heldur borgin sessi sínum þó framboð á flugi héðan hafi aukist. Þannig hafa Íslendingar bókað um tíund fleiri gistinætur í borginni í ár sem er álíkal aukning og hefur orðið í utanferðum landans á sama tímabili. Flugið hingað er líka reglulega á lista yfir þá tíu áfangastaði sem oftast er flogið til frá Kaupmannahafnarflugvelli.

Í byrjun árs fékk norska flugfélagið Norwegian leyfi fyrir áætlunarflugi milli Keflavíkur og Kastrup en ekkert varð úr þeim áætlunum. Icelandair og WOW air verða því áfram ein um þessa flugleið. Yfir vetrarmánuðina býður Icelandair upp á allt að fimmtán ferðir í viku til höfuðborgar Danmerkur en ferðir WOW air eru sjö til tíu. Í flugáætlun WOW air er gert ráð fyrir daglegu morgunflugi til Kaupmannahafnar frá Keflavík fyrstu þrjá mánuði næsta árs en í bókunarvélinni á heimasíðu félagsins hefur ferðunum fækkað niður í allt að þrjár í viku. Næsta febrúar mun WOW air því bjóða upp á sextán ferðir til Kaupmannahafnar en þær voru tuttugu og fjórar í febrúar í ár. Það jafngildir þriðjungs samdrætti. Ekki fást skýringar á þessum breytingum hjá WOW air.

Icelandair hefur styrkt stöðu sína í Kaupmannahöfn

Líkt og Túristi greindi frá þá fór markaðshlutdeild Icelandair í Kaupmannahafnarfluginu niður í allt að 55 prósent eftir að Iceland Express hóf starfsemi. Icelandair hefur hins vegar styrkt stöðu sína síðustu ár og í fyrra fóru um þrír af hverjum fjórum farþegum á þessari flugleið með Icelandair. Hafa ber í huga að leiðakerfi Icelandair byggir á flugi yfir hafið með millilendingu í Keflavík og hluti farþega félagsins í Kaupmannahöfn er því ekki á leið til Íslands heldur til N-Ameríku.

Kaupmannahöfn er sú borg sem næst oftast er flogið til frá Keflavík. Aðeins er flogið oftar til London samkvæmt mánaðarlegum talningum Túrista.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …