Samfélagsmiðlar

Eldsneytisgjaldið lækkar og flugmiðarnir líka

Olíuverð hefur lækkað töluvert í ár en eldsneytisgjöld sumra flugfélaga vega þungt í farmiðaverðinu. Um mánaðarmótin lækkuðu forsvarsmenn Icelandair gjaldið um fimmtán prósent.

Eldneytisgjöld eru hluti af farmiðaverði margra flugfélaga og hjá Icelandair nemur þetta gjald stundum meira en helmingi af verði flugmiðans. Í ár hefur olíuverð hins vegar lækkað umtalsvert og er lægra í dag en það hefur verið í rúm tvö ár. Í haust hafði Túristi það eftir Guðjóni Arngrímssyni, upplýsingafulltrúa Icelandair, að eldsneytisgjald félagsins sé reglulega tekið til endurskoðunar og ef kostnaður lækki þá komi það fram í fargjöldunum.

Miðaverðið niður sem nemur lækkuninni

Um mánaðarmótin gekk það eftir því þá lækkaði eldsneytisgjaldið úr 9.200 kr. í 7.900 kr. ef flogið er til Evrópu en úr 16.400 kr. í 13.900 kr. ef ferðinni er heitið til N-Ameríku. Lækkunin nemur því um fimmtán prósentum og heilt yfir eiga lægstu fargjöld að lækka sem nemur eldsneytisálagsbreytingunni samkvæmt upplýsingum frá Icelandair.

Flugfargjöld eru hins vegar síbreytileg hjá Icelandir og öðrum flugfélögum og til að mynda sýndu niðurstöður nýjustu verðkönnunar Túrista að fargjöld til Kaupmannahafnar, Oslóar og London hafa lækkað mikið milli ára hjá öllum flugfélögum.

Fimmtungi sparneyttari vélar

Á síðasta ári gengu forsvarsmenn Icelandair frá kaupum á nýjum Boeing þotum og verða þær fyrstu afhentar á fyrri helmingi ársins 2018. Þegar tilkynnt var um kaupin kom fram að nýju vélarnar verða um fimmtungi sparneyttari en núverandi flugfloti Icelandair. Nýju og gömlu þoturnar verða notaðar samhliða í framtíðinni.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …