Samfélagsmiðlar

Fátt vitað um ferðir Íslendinga

Þegar árið er liðið munu rétt tæplega fjögur hundruð þúsund íslenskir farþegar hafa innritað sig í flug á Keflavíkurflugvelli. 

 

 

Þegar árið er liðið munu rétt tæplega fjögur hundruð þúsund íslenskir farþegar hafa innritað sig í flug á Keflavíkurflugvelli. Hvar þessi hópur heldur sig í útlöndum er lítið vitað um nema þegar ferðinni er heitið til Skandinavíu.


Við vopnaleitina á Keflavíkurflugvelli þurfa allir að sýna vegabréf, meðal annars svo hægt sé að flokka farþega eftir þjóðerni. Þar er látið nægja að telja fjölmennustu þjóðirnar ásamt okkur heimamönnum. Fólk frá öðrum löndum fer í flokkinn „aðrir”. Skiljanlega lendir fámenn þjóð eins og okkar í þeim flokki þegar landamæraverðir í öðrum löndum telja útlendingana sem til þeirra koma. Það er því ekki hlaupið að því að fá upplýsingar um hvar í útlöndum Íslendingar verja tíma sínum. Ferðamálaráð Spánar, Bretlands og Bandaríkjanna segjast til að mynda ekki hafa neinar tölur um ferðir Íslendinga innan landanna. Alla vega eru ekki til opinber gögn um kaup Íslendinga á gistingu í þessum löndum þó sennilega haldi hótelstjórar eitthvað bókhald yfir þjóðerni gesta sinna og deili því jafnvel með yfirvöldum.

Danmörk með fastan sess

Það eru nær eingöngu frændþjóðirnar sem vita upp á hár hvar íslenskir ferðamenn eyða nóttinni. Upplýsingar um í hvaða borgum og bæjum í Skandinavíu Íslendingar hafa keypt gistingu eru nefnilega aðgengilegar hjá hagstofunum í Danmörku, Noregi og Svíþjóð.

Þegar rýnt er í þær sést að í ár hafa Íslendingar bókað 39.022 gistinætur í Danmörku og þar af voru þrjár af hverjum fjórum á hótelum og gistihúsum í Kaupmannahöfn og nágrenni. Íslenskum hótelgestum í Danmörku hefur fjölgað um tíund frá sama tíma í fyrra sem er álíka aukning og hefur orðið í utanferðum landans í ár. Ekkert hefur því dregið úr vinsældum Danmerkur sem áfangastaðar þó framboð á flugi héðan hafi stóraukist síðustu ár.

Heimagisting í Noregi?

Síðustu ár hafa margir Íslendingar flutt til Noregs og það eru því væntanlega margir hér á landi sem eiga í hús að vernda í Noregi. Það kann að skýra að hluta þá staðreynd að Íslendingar hafa bókað fjórðungi færri gistingar á norskum hótelum í ár í samanburði við sama tíma í fyrra. Hins vegar hafa viðskiptin við sænsk hótel aukist um 16 prósent. Noregur er samt ennþá mun vinsælli áfangastaður því gistinætur Íslendinga þar í ár eru um 31 þúsund talsins. Helmingi fleiri en í Svíþjóð.

Það eru hins vegar ekki aðeins ferðamálayfirvöld í útlöndum sem sýna íslenskum ferðamönnum ekki sértaka athylgi. Erlendu flugfélögin sem hingað fljúga virðast líka áhugalítil um íslenska ferðamenn og birta til að mynda aldrei auglýsingar í hérlendum fjölmiðlum. Ástæðan er líklega sú að vélarnar eru nú þegar þéttskipaðar útlendingum á leið í og úr Íslandsreisu.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …