Samfélagsmiðlar

Séríslenskt að gefa flugmiða í jólagjöf?

Síðustu vikur hafa íslensku flugfélögin lagt áherslu á jólagjafabréf í auglýsingum sínum en lítið fer fyrir þess háttar herferðum hjá öðrum evrópskum flugfélögum.

 

 

Síðustu vikur hafa íslensku flugfélögin lagt áherslu á jólagjafabréf í auglýsingum sínum en lítið fer fyrir þess háttar herferðum hjá öðrum evrópskum flugfélögum.

Það var árið 2001 sem Icelandair bauð í fyrsta skipti upp á sérstök gjafabréf fyrir jólin. Allar götur síðan hefur félagið haft þess háttar kort á boðstólum og það hefur WOW air einnig gert síðan félagið hóf starfsemi fyrir þremur árum.

Bjóða kortin aðeins hér á landi

Bæði félög leggja töluverða áherslu á þessi inneignarkort í auglýsingum sínum vikurnar fyrir jól en hvorugt þeirra kynnir þau hins vegar á erlendum heimasíðum sínum. Salan á gjafakortum Icelandair og WOW air einskorðast því við íslenska markaðinn.

Það virðist heldur ekki vera venja hjá nágrannaþjóðunum að gefa flugmiða í jólagjöf. Alla vega er lítil eða engin áhersla lögð á þess gjafakort á heimasíðum stærstu flugfélaganna í Evrópu samkvæmt athugun Túrista.

Seldust best fyrir hrun

Guðjón Arngrímsson, upplýsingafulltrúi Icelandair, segir að salan á gjafakortunum hafi verið mest á árunum fyrir hrun en nú sé lögð minni áhersla á þau en áður og önnur tilboð kynnt meira. „Auglýsingar okkar fyrir jólin að þessu sinni byggja þannig á ímyndarauglýsingunni, sem vakið hefur mikla athygli.“ Birgir Jónsson, aðstoðarforstjóri WOW air, segir að sala á kortum félagsins hafi gengið gríðarlega vel í ár og aukist frá því í fyrra.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …