Samfélagsmiðlar

Íslandsflugið liður í því að styrkja starfsemina á Ítalíu

Vueling og WOW air munu fljúgu reglulega til Rómar frá Keflavíkurflugvelli á næsta ári.
Framkvæmdastjóri Vueling segir félagið geta boðið upp á tengiflug í allar áttir frá Róm.

Vueling og WOW air munu fljúgu reglulega til Rómar frá Keflavíkurflugvelli á næsta ári. Framkvæmdastjóri Vueling segir félagið geta boðið upp á tengiflug í allar áttir frá Róm.

Eitt umsvifamesta lágfargjaldaflugfélag Evrópu, Vueling, mun auka Íslandsflug sitt töluvert á næsta ári. Síðustu tvö sumur hefur félagið flogið hingað frá Barcelona yfir aðalferðamannatímann en á næsta ári verður flugleiðin starfrækt frá byrjun maí og fram til loka október. Auk þess mun Vueling bjóða upp á flug milli Keflavíkur og Katalóníu nú í lok árs og um páskana.

Tengiflug til ítalskra og grískra eyja á einum miða

Vueling er mjög stórtækt í flugi til og frá Barcelona en hefur einnig haslað sér völl í höfuðborg Ítalíu og mun fljúga þaðan til Íslands frá 23. júní og fram til sumarloka. „Þessi viðbót er liður í því að efla starfsstöð okkar í Róm,“ segir Gabriel Schmilovich, framkvæmdastjóri hjá Vueling, í samtali við Túrista. „Íslendingar geta því brátt flogið beint til Rómar og þaðan áfram með Vueling til annarra ítalskra áfangastaða, t.d. Catania, Palermo, Genóa og Tórínó. Einnig geta þeir flogið með okkur til Aþenu í Grikklandi, til fjölmargra grískra eyja og jafnvel til Möltu.“

Schmilovich bendir einnig á að það sama eigi við um þá sem fljúga með félaginu til Barcelona því þaðan geti farþegarnir haldið áfram með Vueling til um 130 áfangastaða. En öfugt við lággjaldaflugfélög eins og easyJet þá geta farþegar Vueling fengið allt flugið á einum miða og eru því á ábyrgð flugfélagsins ef þeir missa af tengifluginu vegna seinkunar á fyrra fluginu.

Þess má geta að WOW air mun fljúga vikulega til Rómar næsta sumar en hingað til hefur ekki verið boðið upp á áætlunarflug til borgarinnar frá Íslandi.

Vueling er í eigu IAG Group sem á og rekur flugfélögin British Airways og Iberia.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …