Síðastliðið ár hefur bandaríski dollarinn styrkst og kostar hann núna ríflega tíund meira en í janúar í fyrra.
Síðastliðið ár hefur bandaríski dollarinn styrkst og kostar hann núna ríflega tíund meira en í janúar í fyrra. Í krónum talið standa verðskrár bílaleiganna við Sanford flugvöll hins vegar næstum því í stað.
Sá sem bókar í dag millistóran bíl í Flórída í átta daga í febrúar borgar 548 krónum meira en sá sem var í sömu sporum fyrir ári síðan. Leiga þessa daga kostar tæplega 29 þúsund krónur og nemur hækkunin tveimur prósentum. Bíll í flokknum „Mini-van“ hefur hins vegar hækkað um sex prósent.
Þessar verðhækkanir eru mun minni en sem nemur styrkingu dollarans gangvart íslensku krónunni. Dollarinn er nefnilega 11,4 prósentum hærri í dag en í janúar í fyrra.
Í verðkönnunum Túrista er stuðst við þau verð sem samstarfsaðili síðunnar, Rentalcars, finnur við Sanford flugvöll, heimahöfn Icelandair í Flórída.
Verð á bílaleigubílum við Sanford flugvöll í Orlandó 7. til 15. febrúar:
| Verð í dag | Verð í janúar 2014 | Mismunur | |
| Meðalstór bíll (Intermediate) | 28.843 kr. | 28.295 kr. | + 548 kr. (2%) |
| Stór bíll (Mini-Van) | 39.798 kr. | 37.483 kr. | + 2.315 kr. (6%) |
Mynd: Visit Orlando
