Fá hótelherbergi laus í höfuðborginni í febrúar

Það er nánast fullbókað fram á vor á mörgum reykvískum gististöðum. Það er nánast fullbókað fram á vor á mörgum reykvískum gististöðum og útlit fyrir mikinn fjölda erlendra ferðamanna í febrúar.
Á síðasta ári var febrúar sá mánuður sem næstfæstir ferðamenn voru hér á landi samkvæmt talningu Ferðamálastofu. Af hótelbókunum að dæma þá er eftirspurn eftir Íslandsferðum í febrúar hins vegar að aukast. „Á sumum stöðum er nánast fullt að heita, eða nokkur herbergi á stangli laus, en á öðrum er mjög góð nýting en ekki fullbókað,“ segir Skapti Örn Ólafsson, upplýsingafulltrúi Samtaka ferðaþjónustunnar, aðspurður um ástandið á þeim hótelum og gististöðum í Reykjavík sem eru innan vébanda SAF. Að sögn Skapta eru hvataferðir, árshátíðir og almannar vetrarferðir helsta ástæðan fyrir þessari góðu bókunarstöðu í næsta mánuði og fram á vor.

Fjölmargt á dagskrá

Það verður töluvert um að vera í næsta mánuði í höfuðborginni sem einnig ýtir undir ferðamannastrauminn. Í byrjun febrúar fer fram ferðakaupstefnan Mid-Atlantic og samkvæmt upplýsingum frá Icelandair munu 450 útlendingar koma hingað til lands á vegum félagsins til að taka þátt. Vetrarhátíð Höfuðborgarstofu fer einnig fram fyrstu helgina í febrúar og næstu helgi á eftir er tónlistarhátíð Sónar á dagskrá. Matarfestívalið Food & fun er svo í lok mánaðarins.

Bæta í flugið í febrúar

Í febrúar í fyrra fóru fleiri Bretar en Íslendingar um Flugstöð Leifs Eiríkssonar og var það í fyrsta skipti sem heimamenn voru ekki fjölmennastir líkt og Túristi greindi frá. Ein helsta ástæðan fyrir þessum straumi breskra túrista hingað til lands er sú að bæði Icelandair og easyJet fjölga ferðum sínum til Bretlands í febrúar á sama tíma og breskir skólar gefa vetrarfrí.

Ný þota væntanleg til Akureyrar í dag

Seinka varð flugi Niceair frá Kaupmannahöfn til Akureyrar í gær þar sem þotan sem félagið er með á leigu var kyrrsett vegna deilu leigusala og eigenda flugvélarinnar samkvæmt frétt Mbl. Þotunni var svo flogið tómri til Írlands seinnipartinn í gær en farþegar Niceair flugu til Akureyrar með annarri leiguvél. Á morgun er á dagskrá ferð … Lesa meira

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.