Samfélagsmiðlar

Aðeins íslensku flugfélögin rukka fyrir að leiðrétta innsláttarvillur

kef innritun

Ef þú slærð nafnið þitt rangt inn við bókun á flugmiða þá kostar að leiðrétta villuna en þó aðeins ef flogið er með Icelandair eða WOW air. Ef þú slærð nafnið þitt rangt inn við bókun á flugmiða þá kostar að leiðrétta villuna en þó aðeins ef flogið er með Icelandair eða WOW air. Umsvifamestu erlendu flugfélögin hér á landi rukka ekki fyrir viðvikið.
Það er ekki víst að þér verði hleypt um borð ef nafnið á flugmiðanum er ekki nákvæmlega eins og á vegabréfinu. Það er því vissara að vanda sig þegar miðinn er pantaður og ganga úr skugga um að engar innsláttarvillur hafi slæðst með. Ef það hefur hins vegar gerst þá þarf að hafa samband við flugfélagið og biðja um leiðréttingu áður en ferðalagið hefst.

Aukagjald íslensku félaganna

Starfsmenn Icelandair rukka þrjú þúsund krónur fyrir að laga villur í nafni farþega og hjá WOW air er gjaldið 2.998 krónur fyrir miða sem gildir báðar leiðir en helmingi minna ef aðeins er farið aðra leiðina.  

Beita almenni skynsemi

Auk íslensku félaganna tveggja eru easyJet, SAS og Norwegian umsvifamest í millilandaflugi frá Keflavíkurflugvelli. En öfugt við heimasíður Icelandair og WOW air þá kemur ekki fram á síðum erlendu flugfélaganna hvað það kostar að gera lagfæringar á nöfnum farþega. Túristi hafði því samband við talsmenn flugfélaganna þriggja og í svari Andy Cockburn hjá easyJet segir að þegar raunverulegar innsláttarvillur eru í bókun þá beiti starfsmenn easyJet almennri skynsemi og leiðrétti þær án aukakostnaðar. Svör upplýsingafulltrúa Norwegian og SAS eru á sama veg en Knut Morten Johansen hjá SAS áréttar að farþegarnir eru sjálfir ábyrgir fyrir því að skrifa réttar upplýsingar í bókun og þær verði að passa við það sem kemur fram í vegabréfi viðkomandi.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …