easyJet næststærsta flugfélagið í Keflavík

Breska lággjaldaflugfélagið easyJet stóð fyrir fleiri ferðum til og frá landinu í janúar en WOW air. Icelandair er sem fyrr umsvifamest en vægi félagins minnkar milli janúarmánaða. Breska lággjaldaflugfélagið easyJet stóð fyrir fleiri ferðum til og frá landinu í janúar en WOW air. Icelandair er sem fyrr umsvifamest en vægi félagins minnkar milli janúarmánaða.

Í janúar síðastliðnum fjölgaði áætlunarferðum frá Keflavíkurflugvelli um 17 prósent frá sama tíma í fyrra samkvæmt talningu Túrista. Munar þar mestu um að easyJet flaug hingað meira en tvisvar sinnum oftar en í janúar á síðasta ári. Ferðum á vegum Icelandair fjölgaði um nærri fimmtíu á sama tíma en vélar WOW air ekki eins oft á ferðinni.
easyJet var því næststærsta flugfélagið á Keflavíkurflugvelli í síðasta mánuði en allt frá því að Iceland Express hóf starfsemi, árið 2003, hafa WOW air eða Iceland Express verið næst umsvifamest á Keflavíkurflugvelli.
Sem fyrr er Icelandair það flugfélag sem stendur undir bróðurparti allra flugferða til og frá landinu en hlutdeild félagins minnkaði milli janúarmánaða eins og sjá má á töflunni hér fyrir neðan.

Vægi flugfélaganna á Keflavíkurflugvelli í janúar 2015 í brottförum talið


	Flugfélag	Hlutdeild janúar 2015	Hlutdeild 2014
1.	Icelandair	67,0%	72,1%
2.	easyJet	13,3%	6,8%
3.	WOW air	12,2%	17,5%
4.	SAS	1,9%	2,1%
5.	Norwegian	1,6%	1,5%

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira