Hleypa ekki léttklæddum flugfarþegum inn

Fólk sem mætir í sandölum og strandfötum í flug fær ekki aðgang að betri stofum ástralska flugfélagsins Qantas frá og með vorinu. Fólk sem mætir í sandölum og strandfötum í flug fær ekki aðgang að betri stofum ástralska flugfélagsins Qantas frá og með vorinu. Mikill meirihluti farþega félagsins er fylgjandi strangari reglum um klæðaburð.
Það oftast heitt í Ástralíu og heimamenn sjaldan kappklæddir. Sérstaklega ekki þegar þeir eru komnir í frí. Það er því nokkuð um að fólk þar í landi mæti í flug í ermalausum bolum og nánast berleggjað í sandölum.
Forsvarsmenn Qantas, stærsta flugfélags Ástralíu, ætla hins vegar að reyna að hafa áhrif á fataval farþeganna því frá og með 1.apríl nk. verður engum hleypt inn í betri stofur félagsins nema að vera í hefðbundnum fötum. Í frétt The Telegraph er haft eftir einum af forsvarsmönnum Qantas að gripið sé til þessa ráðs vegna síendurtekinna kvartanna frá farþegum sem láta léttklædda fólkið fara í taugarnar á sér. Talsmaður flugfélagsins bendir einnig á að nýju reglurnar séu þær sömu og gildi á mörgum áströlskum veitingastöðum og samkvæmt könnun eru margir fylgjandi þessum nýju kröfum um klæðaburð.

Léttklæddir Íslendingar í Leifsstöð

Það er þó ekki aðeins á suðrænum slóðum þar sem fólk mætir í baðfötum í flug. Yfir sumarmánuðina má nefnilega sjá farþega ganga klæðalitla um Keflavíkurflugvöll en líklega eru það í flestum, ef ekki öllum tilvikum, Íslendingar sem eru nýkomnir heim frá sólarlöndum. Þetta sama fólk sést svo skjálfa á bílastæðinu fyrir framan flugstöðina stuttu síðar innan um kappklædda erlenda ferðamenn.

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.