Samfélagsmiðlar

Kominn tími á að rétta hlut Stokkhólms

stokkholmur djurgarden

Íslenskir ferðamenn eru miklu fjölmennari í Kaupmannahöfn en Stokkhólmi en kannski er kominn tími til að breyta út að vananum. Íslenskir ferðamenn eru miklu fjölmennari í Kaupmannahöfn en Stokkhólmi. Þörfin fyrir tilbreytingu og lækkandi gengi sænsku krónunnar gæti hins vegar lokkað fleiri til „Feneyja norðursins“ á kostnað heimsóknar til gömlu höfuðborgarinnar.
Það þarf ekki að rölta lengi eftir Strikinu til að heyra íslensku og sennilega er óhætt að fullyrða að ávallt sitji að minnsta kosti tveir fulltrúar þjóðarinnar við borð í Nýhöfn. Á sama tíma heyrist okkar ástkæra ylhýra miklu sjaldnar á matsölustöðunum í Gamla stan, á Skansen eða við verslanirnar á Biblioteksgatan. Það er alla vega reynsla þess sem hér skrifar eftir að hafa búið um árabil í þessum tveimur borgum.

Benny, Vasaskipið og kardemommubollur

Tölurnar sýna líka að það hallar verulega á hlut Stokkhólms þó Icelandair fljúgi þangað allt að tvisvar á dag. Á síðasta ári voru íslenskir hótelgestir í Kaupmannahöfn til að mynda nærri fjórfalt fleiri en í Stokkhólmi. Það eru því sennilega margir hér á landi sem eiga eftir að heimsækja Vasasafnið, fá sér kardemommubollu með kaffinu, rölta milli safna og skemmtigarða á Djurgården eða sigla út í hinn rómaða skerjagarð. Einhverjir gætu líka viljað kynna sér Södermalm sem skríbentar Vogue segja svalasta hverfi í Evrópu, Drottningholm þar sem konungshjónin halda til eða bara fá sér pylsu við Karlaplan í von um að Benny úr Abba eigi leið framhjá með hvíta hundinn sinn.

Sú sænska gefur eftir

Það eru því nægar ástæður til að gefa Stokkhólmi tækifæri og ekki skemmir fyrir að í dag fæst nærri fimmtungi meira fyrir íslensku krónurnar í Svíþjóð en í fyrra og hittifyrra. Danska króna hefur lækkað minna og samkvæmt lauslegri könnun munar stundum allt að tíund á verðinu í verslunum H&M í heimalandinu og í Danmörku þegar reiknað er yfir í íslenskar krónur. Verðskrár hótela og veitingastaða eru hins vegar á mjög svipuðu róli höfuðborgunum tveimur.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …