Samfélagsmiðlar

Verðmæti lendingarleyfa Icelandair í London rýkur upp

heathrow flugtak

Tvisvar sinnum á dag fljúga vélar Icelandair til Heathrow flugvellar. Virði lendingarleyfa félagsins í London er mögulega hátt í sextán milljarðar króna og hefur hækkað umstalsvert síðustu ár.
Flugbrautirnar við Heathrow í London hafa verið fullbókaðar um langt árabil. Þau fyrirtæki sem vilja bjóða upp áætlunarflug til þessa stærsta flugvallar Evrópu, eða fjölga ferðunum þangað, geta það aðeins með því að kaupa komuleyfi af öðrum. Þau eru þó sjaldan boðin til sölu og verðmæti þeirra er því óljóst. Í síðustu viku seldi hins vegar skandinavíska flugfélagið SAS eitt af sínum leyfum og fékk sextíu milljónir dollara fyrir samkvæmt frétt Børsen. Söluverðið jafngildir nærri átta milljörðum króna. Ef leyfi Icelandair eru á álíka eftirsóttum dagspörtum er verðmæti þeirra því hátt í sextán milljarðar. Forsvarsmenn SAS hafa ekki gefið upp á hvaða tíma dags leyfið sem selt var gildir fyrir.

Sextíu prósent hækkun

Fyrir þremur árum var haft eftir forstjóra Heathrow að dæmi væri um að komuleyfi á vellinum hafi verið seld fyrir um fimm milljarða króna. Miðað við upphæðina sem SAS fékk þá hefur verðmæti eignar Icelandair hugsanlega hækkað um sextíu prósent frá því í ársbyrjun 2012. Virðið hefur hins vegar nærri tvöfaldast í dollurum talið.

Ekki til sölu

Um langt skeið var Heathrow eina heimahöfn Icelandair í London en haustið 2012 hóf félagið einnig að bjóða upp á ferðir til Gatwick flugvallar. Í ár mun félagið fljúga þangað allt að sjö sinnum í viku og sem fyrr segir er flogið tvisvar á dag til Heathrow. Guðjón Arngrímsson, upplýsingafulltrúi Icelandair, segir að að ekki standi til að selja leyfin á Heathrow og færa starfsemi félagsins í London alfarið yfir á aðra flugvelli.
SMELLTU TIL AÐ GERA VERÐSAMANBURÐ Á GISTINGU Í ÚTLÖNDUM

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …